Democrat: American Supreme Court Biaceihtu Thlen Dih An Si Te Men Lai Mah Ti Ningin Cun

American Democrat party hruaitu cheukhat pawl hna nih cun kum 2020 ithimnak ah Drmocrat Candidate pawl hna nih American President sinak an co khawh a si ah cun US Supreme Court Biaceihtu dingah kan mah minung hna chungin minung 9 riankhinh an si lai tiah an chim.cun Drmocrat party hruaitu hna nih a tu bantuk in bia an chim nak a ruang hi Republican party pawl le Trump rian t’uan nak thawngin Neil Gorsuch le Brett Kavanauht hna cu US Supreme Court biaceih zungah nawlngaihnak sangcem mi an pek hna ruangah a si tiah an chim.

Democrat party hruaitu Bernie Sander nih a chim ningah cun American Supreme Court Biaceihtu hna cu mipi caah lawngah rian t’uantu an si lo i vawlei rampi huap in rian t’uantu an si caah Democrat chungtel hna chung in mi tam deuh nih an t’uan awk a si tiah Miami ram chungah Democrat Presidential Debate an tuah nak hmun ah a chim.

Cun US Supreme Court Biaceihtu hna konghe pehtlai in Democrat party lei nih cun minung an tam le tam lo kongah zei hmanh buaibainak kan neih lo,cu nak in Supreme Court Biaceihtu hna nih felfai tein ram an t’hit hruai khawh dingmi kha a biapi deuh ah kan chiah mi tu a si deuh tiah an chim.cun, a tu lio i American ram chungah buaibainak kan neih mi hna a ruang zoh tik ah Supreme Court Biaceihtu hna lak ah lungrual lo nak le thil t’halo a tuahtu an um ruangah a si.

Cun,Supreme Court Biaceihtu hna cu Democrat party chungtel hna lak in minung 9 kan lak t’han hna lai pin ah Supreme Court phunghram zong remh a herhmi kan remh lai i,chap a herh mi kan chap lai pin ah hlawt a herh mi cu hlawt t’han dingin timhlamhnak kan nei tiah an chim.cun Nu hna konghe pehtlai in Nu nih a mah a taksa pum cu a mah duh ning tein tuahto nak/ser siam nak nawl Nu hrin covo an neih khawh nak dingin rian kan t’uan fawn lai.cu hlan bantuk in American ram chungah ramdang mi hna nih an mah duh paoh in company i ser in nawlngaihnak an rak ngeihmi vialte hna zong kan rawh piak fawn hna lai tiah Democrat party nih an chim.

Source: BBC