Democrat Nusal Tha Tulsi Gabbard Nih Cun Trump Nih 2020 Tiang US President Si A Duh Ah Cun Iran Kap Hlah Seh

American politicians hna lak ah mipi thinlung a la kho taktak mi le Democrat nih an i chuankhan taktak mi Tulsi Gabbard nih cun Trump nih kum 2020 tiang American president rian khinh a duh ko a si ah cun Iran ram cu a zei ti hmanh in a kah/tuk ngam awk a si lai lo tiah a chim.Trump nih Iran a tuk ruangah a ca hrang ah thil t’ha zei hmanh a chuahpi lo pin ah a mah le a mah a niamter lai i,mi vailte hna zong nih an soisel mi a si ko lai tiah a chim.

Cun White House National Security Council bia phuangtu Garetter Marquiz nih cun Iran cozah nih hin kum 40 chung bak a hriamnam le a thilti khawh nak hmang in vawlei cungah buaibainak a chuahter cang i,Iran nih kum 40 chung buaibainak a tuahmi vialte hna cu a tu hnu cun cubantuk buaibainak cu a chuahter lo dingah US nih cun kham kan timh mi cu a si bik tiah a chim.

 

White House bia phuangtu Sarah Sanders zong nih President Trump hi ningcang tein American mipi hna nih President rian khinh dingah thimmi le lak mi a si caah a mah ruahnak le a mah duh ning in zei tik hmanh ah rian a t’uan lo bantuk in Iran ram konghe pehtlai in thil t’halo zei hmanh a tuah lai lo.Trump nih a mah fimchimtu (Advisers)tampi a neih,rian t’uanti hawi tampi a neih,a ram mipi duhlo ning in zei thil hmanh a tuah lai lo tiah a chim.

Cun Trump nih American ram a him khawh nak ding le a mipi t’hat nak ding le vawlei pi a humhim khawh nak dingah a rian t’uanti hawi hna le a mah fimchimtu (Advisers) pawl hna nih ruahnak an cheuh mi le ruahnak an pek mi hna cu a t’ha lei in rian a t’uan zungzal i,ruahnak an cheuh mi la lo in a um bal lo.Iran le US cozah karlak ah a t’ha bik in rian a t’uan te ko lai tiah a chim.

 

Source: CNN