Gambia Ram President Yahya Jammeh Nih Nu A Tleihhrem Ning Hna Cu Dah Ngai A Thiam Taktak Si

Gambia ram hi Nitlaklei Africa ram chungah a um mi a si i,ram fate khi a si.President Yahya Jammeh nih hin Gambia ram cu caan sau taktak a rak uk bal cang tiah an chim.President Yahya Jammeh nih a rian in a dinh hnu ah Nithlalei Africa ram Nu minung pathum hna nih cun an ram chung Human Rights rian t’uantu buu i chirhchan in President Yahya Jammeh nih President rian a rak t’uan lio kum 2015 lio ah a mah Office chung bak ah a rak kan kawh kan duhlo bu bak in a kan tleihhrem tiah an chim.

President Yahya Jammeh photo.

President Yahya Jammeh nih a kan tleiwc.hhrem tiah a chimtu hna minung pathum hna lak ah kum 23 nu former beauty queen tiah an kawh mi nu nih an sining a chim ningah cun President Yahya Jammeh nih a mah rian t’uan nak hmun a Office chungah a ka kawh i ka va kal tik ah cun a mah Office ah rian t’uantu hna le a mah a zohkhenhtu hna cu a lawiter dih hna hnu ah a chiat’ha cu ka duhlo bu in a ka tuaitam ter tiah a chim.

former beauty queen photo.

Asinain President Yahya Jammeh cozah biachimtu Ousman Rambo Jatta nih cun Nu pathum hna nih kan President an puh mi hi ningcanglo thil a si.a hmanlo mi a si.resident Yahya Jammeh foih an duh ruangah mah bantuk in thil hman lo mi an puh mi cu thil kal phung a si lo caah mipi nih zei hmanh ah nan rel lo awk ah kan duh tiah Statement a chuah tiah an chim.

Amahbelte Human Rights Watch pawl hna nih cun President Yahya Jammeh nih Nu pathum hna cungah a thil tuahmi cu ningcanglo thil a si caah hremnak/dantatnak cu pek a si awk a si.zeicahtiah hi Nu hna nih an chim mi cu tehte tampi a um i tiah an chim.cun Nu pathum hna lak ah pakhat a tleihrem mi le bang cu Gambia State House ah rian t’uantu pakhat a si i a mah duty a tuah fa tin President nih hin a tleihhrem peng tiah an chim.

Source: BBC Africa