Hamas Ralhrang Hruaitu Nih Iran Cozah Sin Ah A Chim Mi Cu Dah Ngai Tihnung Ko

Iran cozah nih Hamas ralhrang pawl hna cu Israe, Jewish state Tel Aviv a rawk khotu hriamnam t’ihnung bomb an pek hna ruangah Hamas ralhrang hruaitu a si mi Hamas leader Mr.Yahya Sinwar nih t’ihnung taktak in bia a chim t’han.Iran nih Hamas ralhrang sin ah a pek mi hna bomb hi Long range rockets an si i hi ruangah Hamas nih Iran sin ah lomhnak bia a chim.

Hamas ralhrang pawl hna nih cun Iran cozah hi um hna hlah sehlaw a tu ka dir hmun hi kan phan lai lo.Iarn cozah nih an kan bawmhchanh nak ruangah Hamas nih Palestine ram mi zei maw zat hna cu kan ven khawh hna tiah a chim.cun Israel nih Palestine ram an chuih mi hna cu kan si khawh chungin lak t’han dingin rian kan t’uan peng rih lai.Palestine ram cu zei tik hmanh ah Israel kut ah kan pe hna lai lo tiah a chim.

 

Cun Iran nih a kan pek mi hriamnam in Israel ram chung khuapi a si mi Beersheba khua cu kan mah kut chungah a um te lai.Beersheba khua cu hi hriamnam hmangin kan target cang hna i cikhat ah kan kut ah kan chiah khawh cang lai tiah a chim.

Cun US nih Iran a kah a si ah cun kan Hamas nih Israel ram cu a kah ve lai tiah a chim.a mah belte US cozah nih Saudi Arabia ram le Israel ram vengtu dingah a cozah ralkap hna cu tam lak te Iraq ram ah a chiah cang hna tiah an chim.

Source: BBC