Hong Kong Cozah Nih A Ram Chungah Sualnak A Tuahtu Hna An Ram Ah Kirter Dingin A Tuah Mi Ruangah Khuaci An Mui

Hong Kong cozah nih cun a ram chungah ram dangmi hna nih thil sual an tuah a si ah cun,cu bantuk minung hna cu an mah ram ah kirter t’han dingin phunghram thar a ser i namnehnak zong an tuah cang tiah an chim.Hong Kong ram hi China ram chungah a um mi a si na in China cozah nih a uk mi le a pen mi ram an si lo,an mah tein a uk pen mi ram an si.cun Hong Kong ram mi hna cu China ram chungah zalong tein cawlcangh khawh nak nawl a nei mi zong an si fawn.

Cun China ram mi hna nih Hong Kong khuapi chungah ningcanglo in an cawlcangh hnawh hna ruangah le lortuk in an um hnawh hna ruangah Hong Kong cozah nih cun mah bantuk in phunghthar a ser nak cu a si tiah an chim.cun Hong Kong cozah hruaitu Carrie Lam nih cun hi tibantuk in phunghram kan ser mi cu mipi humhimnak caah sermi a si i mipi nih an duh an cohlan hrimhrim awk a si tiah a chim.

Asinain hi phunghramthar an sermi cu China ram mi Hong Kong khuapi chungah a um mi hna cu i fonh in cu bantuk phung hram cu kan duhlo tiah biatak tein an duhlonak sandah an piah i lam vialte an kham tiah an chim.hi tibantuk in duhlonak a langhter mi hna hi Umbrella Movement hruaitu pawl hna nih an t’hit hruai hna i minung an karh chin leng mang tiah an chim.

Cun Hong Kong cozah phunghramthar duhlo in sandah a piahtu pawl hna nih cun hi phunghram cu China justice system chung in hloh si sehlaw cu tibantuk in thil kan tuah mi nih cun Hong Kong nih a mah le mah a uk nak phunghram cu duh sah in a tlau cuahmah cang lai tiah an chim.

Source: BBC