Hong Kong Ram Chung Buainak Tihnung A Si Ko Cang Biaceihtu “Lawyer”Pawl Hna Nih Lam An Zawh Cang

Hong Kong cozah nih a ram chungah ningcang lo in mithat mi hna le etc..ningcang lo in a cawlcang mi vialte hna nun chimh nak caah phunghram thar a ser mi cu a ram chung biaceihte “lawyer”pawl hna zong nih a t’ha tiin an cohlan piak ve ruangah a cozah nih hi phunghram a sermi cu fek t’hup in i tleih dingah lawyer paoh paoh hna nih lam zawh nak an tuah ve tiah an chim.

 

Cun, Hong Kong lawyer pawl hna nih hi ti bantuk in lam zawh nak an tuah lio ah hin an mah lawyer a t’anhtu hna le a dir kamhtu hna mipi zei maw zat nih an tel pi fawn hna tiah an chim.mah hna pawl nih hin Hong Kong ram chung biaceih zung Court of Final Appeal in Justice Place tiang bakte an au i lam an zawh tiah an chim.

 

Hong Kong legislator Martin Lee nih a chim ningah cun lawyer (biaceihtu)pawl hna le an mah a t’anhtu mipi hna nih hi thil an tuah duh nak a sullam taktak cu a cozah nih phunghram thar a sermi cu thil t’ha a si ko.hi phunghram kongah zei bantuk buaibainak hmanh um sehlaw,a cozah nih nan kalpi awk a si.hi phunghram nan sermi cu nan let t’han awk a si lai lo tiah an chim a ti.

 

Hong Kong lawyer pawl hna nih cun Hong Kong cozah a t’uan cuahmah lio mi hna a dohtu minung 44 hna cu a cozah nih kum10bak thongtla dingin biachahnak a tuah piak hna i,cu minung 40 hna zong cu nan thlah hna awk a si.zeicatiah a cozah rian t’uan mi hna nih an tleih mi hna an si lo i,a lenglei Hong Kong politicians pawl hna nih ziknawh in rian an t’uan ruangah an tleih mi hna an si.Department of Justice rian t’uantu hna lak ah ningcang lo in rian a t’uan mi an um tiah an chim.

Source: BBC