Iran Cozah Nih US Cu A Holh Tamtuk A Si Ah Cun An Neihmi US Spy Drone Dang Zong Kan Kah Than Lai Tiah A Hrocer Than

Iran cozah nih nai teah US spy drone a kha piakmi man kha $ 100 million renglo man bak a si.Iran cozah nih US drone an kah ruangah American cozah nih cun lehrulh nak ah ti in Iran cyber cu rawh piak a timh ve hna.asinain American nih Irab cyber cu a rawh piak kho nem mam hna lo i US cyber ralkap pawl cu an sung diam ruangah Trump nih lam dangin Iran ram cu tuzarh cungah phomh a timh t’han hna tiah an chim.

Hi thil kongah Iran naval chief Hossein Khanzad nih cun American cozah nih ningcanglo in para kan kham mi cu a pah i red line a lamh bu in Iran cozah tu sual a kan phawt peng mi cu lehrulh nak ah kan duh a si ah cun US drone pawl hna khi kan duh zat in a kap kho kan si.cu thil cu Iran nih kan tuah lai lo tiah chim khawh a si loh tiah Tasnim news agency pawl hna sin ah a chim t’han rih.

Asinain Trump nih cun Iran ram kah le rawh cu kan duh lo an mah he ton biaruahnak neih ding le an mah he remdaih nak ser dingin timhcia kan si tiah a chim peng rih.Iran nih US drone a kah hnu caan tlawmpal ah cun Trump nih a cozah ralkap hna cu Iran ram cungah lehrulhnak tuah dingin timhlamh nak cu cikhat chung a nei na in a let than tiah Iran cozah nih cun a chim fawn.

Israel cozah nih cun Iran le American cozah i dohnak kongah a chim mi cu,”Iran cu US nih a kah/tuk ding taktak a si ah cun US a cawl hlan ah Israel tu nih Iran cu a kah hmasa cem lai”tiah a rak chim ve.cun UK cozah zong nih American nih Iran cu a tuk zongah US hi sual nak zei hmanh a ngei lai lo tiah a chim.

Source: BBC