Iran News Update: American Ram Nih A Kan Tuk A Si Ah Cun Suimilam Cheu Chungah Israel Ram Cu Thleh-bauh Dih In An Um Lai

July 2. 2019 ah khan Iran Parliament’s National Security and Foreign Policy Commission hruaitu hna nih cun American ram he an karlak kongah thawngzamhnak an tuah t’han i an chim mi cu,”American ram nih Iran ram a tuk/kah a si ah cun suimilam cheu chungah Israel,Israel Zionist regime ram cu zoh awk tlak lo in Iran nih a thleh-bauh dih lai”tiah an chim.cun,Iran ram nih kan mah ram humhim nak ding caah hriamnam ser kan timh mi cu American nih duh hlah hmanh sehlaw kan tuah t’hiam lai,American nih a duh paoh in nawl a kan neih awk a si loh tiah an chim.

Iran Parliament’s National Security and Foreign Policy Commission photo.

Israel Prime Minister Benjamin Netanyahu nih a chim ningah cun Iran nih kum 2015 lio ah ram dang mi hna he “Iran nuclear deal”a rak tuahpi ning hna tein rian t’uan sehlaw thil poi tuk cu a si hnga lo.a si na in Iran cozah nih cu nuclear deal an rak tuah mi cu i chirhchan in an mah duh ning paoh in hriamnam t’ihnung a si mi nuclear le Atomic bomb hna cu ser siam a timh.mah hi a ngaingai kan ti ah cun Iran nih ramdang mi hna he nuclear deal an rak tuah ning a si loh tiah a chim.

Cun,Iran niha tu ah cun nuclear hriamnam le Atomic bomb serkhawh nak ding thilri “uranium” cu 300kg renglo a neih cang.Iran nih American ram le mipi hna hmaika ah lih,hrawkhrol a chim mi hna cu mah nih hin tehte a langhter.hi hnu zongah Iran nih lih a chim mi hna cu an mah le an mah chungin tehte a lang cuahmah rih ko lai tiah a chim.cun pin ah Europe ram uk bawi pawl hna nih cun Iran nih lih le hrawk hrol a chim ruangah American nih hremnak a pek hrimhrim lai tiah kan zumh an ti ve.

 


Cun,Iran Foreign Minister Javed Zarif cu American ram le Iran ram konghe pehtlai in thawnglatu tampi hna nih biahal nak an tuah i American ram nih Iran red line an lamh cang nan ti mi hi a hman mi a si maw?tiah biahalnak an tuah i Mr Javed Zarif nih cun biatam chim lo in”YES”ti lawng bak in a leh hna i zei dang bia pakhat hmanh a peh mi a um lo tiah an chim.Trump nih cun zei tik hmanh ah Iran nih nuclear hriamnam le Atomic bomb cu kan neihter hna lai lo tiah a chim.

Source: CNN