Iraq Nih France Rammi Hna Cungah Lehrulhnak A Tuah Ning Cu Dah Ngai A Poituk Tung An Karlak Ah Buainak

Iraq Court biaceih zung nih cun Islamic State chungah khuasa mi France rammi minung pathum hna cu an lutan bak dingin biachahnak a tuah piak ko hna.Iraq Court nih mah hna pathum bia a ceih ning hna ah cun France ram mi hna nih hin a thli in ISIS ralhrang pawl hna he i pehtleihnak an nei i caan saupi rian an rak t’uanpi hna tiah an chim.

 

Cun France ram mi hna kongah Iraq Court biaceihtu hna hi France ram mi an tleihmi hna hi Kevin Gonot le Leonard Lopez le Salim Machou hna an si tiah an chim.asinain Iraq Court nih a chim ningah cun France cozah nih a ram mi minung pathum hna kongah ISIS ralhrang he an i pehtlei bak lo ti mi tehte an neih ko a si ah cun May 30 tiang rak tlanh dingin caan kan awn piak hna tiah a chim.

American cozah le a rian t’uanti hawi le hna nih cun a luancia Feb thla ah khan Syria ram ah France ram mi minung 12 bak ISIS ralhrang he ipehtleih nak an nei ko ti ruangah a rak tleih bal cang hna tiah an chim.cun a tu i Iraq nih a tleihmi hna minung pathum hna zong hi US nih a rak tleihmi hna he khan aa pehtlai mi an si tiah Iraq nih a chim.

 

Asinain French President Emmanuel Macron nih cun an ram mi hna kongah zei bia hmanh a chim lo i kan mah nih zei hmanh kan tuah khawh mi a um loh.Iraq cozah nih a herh a ti ningin biachahnak a tuah awk a si ko ti lawng a chim.

Source: CNN