ISIS Ralhrang Pawl Hna Cu Rakhine Ram Pawng Teah An Um Cang Tiah An Chim Than

Bangladesh intelligence officials pawl hna nih an chim ningah cun kawl ram chungah luh a tim mi ralhrang pawl hna hi Syria ram le Iraq ram ah khuasa mi IS ralhrang pawl hna si lo in Pakistan ram chungum mi IS Hafiz Tohar group ralhrang pawl hna an si tiah fiang tein an chim t’han.

Cun hi ralhrang pawl hna konghe pehtlai in Arakan Rohingya Salvation Army (ARSA)nih a chim ningah cun August thla chung ah khin Rakhine ram chungah luh an i tim i a tu ah cun Pakistan ram an chuah tak cang i Rakhine ram pawngah khuasa hna sehlaw a lo tiah an chim.

 

Cun hi ralhrang pawl hna nih hin a luancia kum 2014 lio ah khan Rakhine ram chung a si mi Kyauk Pyin Siek khua ah a thli in an rak lut bal cang i thil umtu ning t’ha tein an rak dothlat cang tiah an chim.cun Tatmadaw ralkap le AA karlak i kah nak zongah hin Pakistan ralhrang hna hi rak i tel hna sehlaw a lo tiah Arakan Rohingya Salvation Army (ARSA) nih cun an zumh fawn.

Asinain an itel bak tiah tehte zei hmanh hmuh mi a um lo caah chim phuanngam a si lo tiah an chim.cun Rakhine ralzam hna um nak Bangladesh Cox Bazaar hrawngah hin an chuak lang tawn na in tleih awk t’ha in an um lo caah a tu ah cun Kawl ram le Bangladesh ramri hmun pakhat khat ah um hna sehlaw a lo tiah an chim.

 

Kawl ram chungah luh a tim mi ISIS jihadis group hna hi a luancia thla hnih lio ah khan US cozah nih balck list ah a rak chiah mi hna kha an si na in,hi ralhrang pawl hna hi China cozah nih biatak tein a t’anpi mi hna le a dirkamh mi an si caah US ni black list ah a chiah mi hna zong an cohlang duh hna lo mi group pawl kha an si.

Source: mizzima