Israel Cozah Nih A Ram Chung Thil Min Dih Lak Ah President Donald Trump Min Lawngte Cuanter A Timh Ko Cang

Israel ram chung khuapi pakhat a si ve mi Petah Tikva khuapi chungah Israel cozah nih a sak mi Inn (HALL) tampi hna cu American President Donald Trump min i chuankhan in Sak le sersiam an si pin ah Trump min tarlangh chih an si dih lai tiah Israel Mayor Rami Greenberg nih cun a chim.

Jerusalem, Temple Mount photo.

 

Cun Petah Tikva khuapi chung Inn (HALL) pawl hna cu July thla hlan ah ser siam dih an si lai i july thla ni 4 ah khin US Ambassador, Israeli David Friedman le Israel PM Benjamin Netanyahu hna nih awnnak an tuah lai tiah an chim fawn.

 

Cun Israel Minister of Transport Mr.Yisrael Katz nih cun Western Vampang kham nak le Temple Mount zongah Trump min cu tarlangh a si lai tiah a chim.Israel cozah nih Trump min chuankhan in mah bantuk thil tuah an timh mi hna hi ramdang mi sin ah US le Israel ram cu aa t’hen kho mi an si lo nak le pumkhat an si nak langhter nak caah tuah an timh mi a si tiah an chim.

 

Israel Minister of Transport Mr.Yisrael Katz photo.

 

Biachap: Temple Mount ah Trump min i chuankhan in tuah an timh mi hi Palestine cozah nih zei tin dah a ruah t’han te hnga? khi hmun cu Jerusalem khua hlun tiah an kawh mi kha a si i,”Palestine muslim pawl hna nih thlacam nak hmun an hman mi le kan mah ram a si tiah an au peng mi a si caah thil t’ha lei nak in thil t’halo lei a chuak kho rih men”.

 

Petah Tikva khuapi chung HALL photo.

Ref: AP