Israel Cozah Nih Trump A Dohtu Hna Cu Israel Ram Chungah Luhter A Tim Ve Bak Hna Loh

Atu lio ah American ram chung lawng si lo in vawlei pi a hninhtertu US House member chungtel Nu mi nung pahnih hna cu Israel nih a ram ah luhter a senh hna lai lo tiah an chim.mah hna pahnih hi Omar Ilhan le Rashida Tlaib hna an si.Biaknak lei zong in Muslim biaknak a bia mi an si.an pahnih tein a rauh hlan ah Israel ram ah kal in America ram le Israel ram an i pehtleih nak hna cu thil zei maw tuah an timh tiah an chim.

Omar Ilhan and Rashida Tlaib photo.

Asinain US House member Omar Ilhan le Rashida Tlaib hna nih Israel ram ah kal an rak i timh ka teah hin Israel nih cun an ram luhkhawh nak VISA pek singin biachahnak an rak tuah bal cang.a mah belte Omar Ilhan le Rashida Tlaib hna hi Israel cozah a buaiter ngaitu anti Israel policy tiah mipi nih kan theih mi hna Boycott Disinvestment Sanction pawl hna a dirkamhtu an si caah Israel nih a ram chungah luhter a tim ti hna lo tiah an chim.

 

Cun, Israel nih Omar Ilhan le Rashida Tlaib hna cu an ram luhkhawh nak VISA an pek duh hna lo a si ah cun US House member an sinak hmangin Democrats hruaitu hna sin ah thil t’halo pakhat khat a tuah khotu an si fawn.mah hna pah nih hi US House member chungtel vialte hna lak ah thilti kho taktak mi le mipi thinlung a la kho taktak tu an si.

 

American president Trump nih cun Omar Ilhan le Rashida Tlaib hna cu Israel nih a ram chungah a luhter hna a si ah cun Israel cu santlai lo taktak a si lai tiah a chim.hi konghe pehtlai in Israel PM Benjamin Netanyahu nih cun Omar Ilhan le Rashida Tlaib kongah nawlngeihnak le biachahnak a tuahtu ding hna cu Cabinet sawihovin, Interior Ministry hna kut ah nawlngeihnak ka chih i, rian t’uantu hna nih an luhter hna nak in an kham hna lai ti hi ka zumh tiah a chim.cun, hi kong hi Interior Minister Aryeh Deri, Foreign Minister Israeli Katz, Public Security Minister Gilad Erdat, National Security Adviser Meir Ben Shabat, Attorney General Avichai Mandelbleit hna nih i ceih hmai nak an tuah cuahmah tiah a chim fawn.

Source: AF