Israel Cozah Ralkap Zei Maw Zat Cu Awr Zungkhat Ruangah Fak Taktak In Dantat An I Huah Ai

Israel cozah ralkap hna nih cun dinh caan an neih lio ah Caw cu an thah i, cu an thah mi Cawsa cu an kio ciam mam hna i cu an kio cia mi cu a Cawhnuk hang he ningcanglo deuh in rawl he an i meh pin ah Zu he an i meh ruangah a cozah ralbawi pawl hna nih hi tibantuk in thil nan tuah mi cu Judah miphun hna nih din-ei ning konghe pehtlai in phunghram kan sermi sersat le zei nan rel lo a si caah dantat nan si lai tiah biachahnak a tuah piak hna tiah Israel Channel 12 news nih a chim.

Hlan lio Judah miphun hna nih phunghram an rak sermi chungin an phunghram tampi hna cu Israel cozah ralkap pawl hna nih hin a tu tiang an zulh piak peng ko rih hna.Judah miphun hna nih din-ei kongah phunghram an rak sermi hna cu Israel cozah ralkap nih buar hrimhrim cu an duh bak lo pin ah,a bik in Sa ei ding kongah an phunghram buar cu an duh lo taktak tiah an chim.

Cu tu ah cu bantuk in Cawsa ningcanglo deuh in a that i a ei mi pawl hna hi Israel cozah ralkap chungin ( Israeli Armored Corps ) ralkap pawl hna an si.ei-din kongah mah hi nan ei lai i mah hi nan ei lai lo tiah hawi hlei in an cawn piak mi hna an si fawn.Israel cozah phunghram sertu chungin Yisrael Beytenu nih cun a tu ah Israel cozah ralkap hna chungin mah bantuk thil an tuah mi nih hin Israel ram chungah a um mi Biaknak dangdang hna karlak ah thleidan nak le remlo nak a chuahter kho tu thil a si caah fakpi in dantat nak nan pek hna awk a si lai tiah a chim.

Hi kongah Russian journalist hna nih cun hi ti bantuk in Judah phunghram sersat in Cawsa le Zu le Cawhnuk i meh in rawl a ei mi hna hi Israel cozah( Israeli Armored Corps ) ralkap hna chungin minung 10,000 renglo an si.cun a luancia kum 2018 kum chung zongah mah bantuk in thil an rak tuah bal cang i a cozah nih thongah zei maw zat a rak chiah bal cang hna tiah a chim.

Source: CNN