Israel: Iran I ralring Zeicahtiah Ka Raltuknak Vanlawng F-35s Nih Zeiram Poh A Phanh Khawh!

Israel Prime Minister Benjamin Netanyahu nih cun a cozah hriamnam um nak vialte zohfelnak a neih hnu ah Iran ram cu hi ti’n ralrinnak a pek t’han rih,”Iran i ralring! Israel cozah nih kan ngeihmi raltuknak vanlawng F-35s fighter jets nih hin zeiram paoh a phanh khawh,a bik in Middle East ram chung vialte hna cu cikhat teah a cul dih khawh! Israel ram dohkalh in khua na sak peng awk e ningcanglo bia na chim peng awk a si lo”tiah a chim.

Israel Prime Minister Benjamin Netanyahu nih hi tibantuk in bia a chim nak hi naiteah senior Iranian officials pawl hna nih American ram le Iran ram kongah ton biaruahnak an tuah i,Iran official pawl hna nih cun American nih Iran ram chungah hriamnam,kuanfang t’ihnung pakhat khat a luhter a si ah cun suimilam a cheu hlan ah Israel ram cu t’hek-darh in a um lai tiah an chim ruangah Israel PM nih senior Iranian officials pawl hna lehrulhnak ah hi bia hi a chim mi a si tiah an chim.

 

Cun, Israel Prime Minister Benjamin Netanyahu nih cun Chaklei Nevatim Air Force cu a tlawng i,cu a va tlawn nak ah cun thawnglatu tampi hna nih biahalnak an rak tuah tik ah thawnglatu hna cu a kawh hna nih Israel cozah raltuknak vanlawng F-35 Adir jet pawngah dir in a chim t’han mi cu hi kan raltuk nak vanlawng pawl hna nih hin cikhat teah Middle East ram chung vialte hna cu a t’ol khawh dih.cu caah Israel ralchan in a um mi ram Iran ram le Syria ram hna cu ralring tein an um awk a si cang lai tiah a chim.

Cun, Israel Prime Minister Benjamin Netanyahu nih IDF Chief of Staff Lt. Gen. Aviv Kohavi, Air Force chief Maj. Gen. Amikam Norkin hna le a cozah vanlawng ralkap top a si mi pawl hna cu a kawh dih hna i lakhruak ton biaruahnak an tuahpi hna i, Iranian Parliament’s National Security chairman Mojtaba Zolnour nih a rauh hlan ah Jewish state vialte hna cu rawh in an um lai ti a chim mi kongah Israel nih biachahnak a tuah.asinain cu biachahnak an tuah mi cu langhter a si lo i a rauh hlan ah phuan a si te lai tiah an chim.

Source: Israel time