Israel Nih Nikhat Chungah Voi Hnih Bak Syria Cu A Kah Than I Khuaci Mui Bak In A Tuah Than Hna

Israel nih Syria kut cungin Golan Heights ram cu a rak lak na in Golan Heights ram cu Israel nih a mah ram chung map ah a rak chia lo,asinain Trump nih Golan Heights ram cu Israel ram sinak caah fehternak a tuah hnu in Israel nih a ram chung map ah a cuanternak kong kha ka rak chim balcang. Golan Heights ram cu Syria ram a si peng awk a si ko tiah Golan Heights ram chung um mi hna chung in minung tampi nih an chim i,Israel cozah sin ah Syria ram a si ko tiah an chim.

June 2.2019 ah khan Golan Heights ram chungah a um mi Syria pawl hna nih rocket hriamnam hmang in Israel ram chungah cun an kah t’han rih.cu ruangah Israel nih cun Syria cungah teirul chamnak a tuah i june 3.2019 ah khan Syria ram chungah Iran ralkap pawl hna um nak hmun”Homs”cu voi hnih bak a kah t’han i Syria ralkap le Iran ralkap zei maw zat a thah hna pin ah an hriamnam zei maw zat a rawh piak hna tiah an chim.

 

Hi konghe pehtlai in Iran nih a chim ningah cun Israel nih Syria a kah nak ruangah Iran ralkap le Syria ralkap hna cu minung 5 an thi i minung tam lak te nih hliamhma an tuar tiah an chim.cun mithi kongah cun Syria zong nih minung pa 5 bak an kan thah tih an chim ve t’hiam thiam.tlanglei Damascus ram chung Quneitra khua ah um Syria intelligence¬† post zong Israel nih a rak kah piak bal cang i Syria intelligence post minung 10 bak a rak thah cang hna.

Golan Heights ram chung um mi Syria ram mi hna nih Israel ram an kah lio ah hin Israel nih cun an air defence system in pakpalawng /van cungah a puahter dih hna i Israel ram hrimhrim an phan manh lo tiah an chim.cun Israel nih Syria cu April thla in June 4.2019 tiangah voi 5 bak a kah cang.a mah belte hi kongah Syria zong nih Russia sin in a hmuh mi hriamnam t’ihnung hna cu a tawng rih lo i,Israel zong nih a tawng hraw rih lo tiah an chim.

Source: Israel time