Israel Nih US Democratic Hruaitu Hna A Herhlo Ah An Ram Chungah Luhter Lo Dingin Biachahnak A Tuah Piak Taktak Hna

Israel cozah nih cun American Democratic hruaitu hna hi Israel cozah a soisel tu an si peng ruangah le US Democratic hruaitu hna chung a si mi hna paoh cu mi zei hmanh Israel ram chungah luhter an si lai lo tiah biachahnak an tuah.a tu lio i American President Trump a doh taktak tu hna chungin Omar le Rashida Tlaib hna zong Israel cozah nih an ram chung luh khawh nak dingin VIZA pek awk ah biachahnak rak tuah piak cangmi an si na in Omar le Rashida Tlaib hna zong Israel ram ah luhter lo dingin biachahnak tuah piak an si tiah fiang tein an chim.

 

Cun, a bik in Omar le Rashida Tlaib hna hi a tu lio Israel cozah a dohtu hna (boycott movement) pawl hna dir kamhtu a si.hi ruangah hin Israel cozah nih an senh hna lo nak a si pin ah Israel cozah le boycott movement pawl hna rian t’uan nak hi a thli in American Democratic hruaitu hna chungin i pehtleihnak hmanh an ngei kho men tiah Israel nih cun a ruah fawn tiah an chim.

 

Omar le Rashida Tlaib hna nih hin an i timh nak ah cun a ra lai mi hmazarh chungah hin Nichuahlei Jerusalem khuapi le West Bank ram ah luh an i tim.asinain Israel cozah nih cun Omar le Rashida Tlaib hna nih Nichuahlei Jerusalem khuapi le West Bank ram ah an kuh khawh lo nak dingin biachahnak a tuah piak diam hna tiah an chim.

 

Hi konghe pehtlai in US president Donald Trump zong nih a chim mi cu Omar le Rashida Tlaib hna cu Israel ram ah kal in an mah duh mi paoh tuah an i timh mi hna cu pakpalawng menmen a si cang.zeicatiah Israel cozah nih cun an ram chungah luhter an senh hna lo tiah twitter in a chim.cun,Trump nih hin cu hlan ah a rak chim cang mi cu Israel cozah nih Omar le Rashida Tlaib hna hi an ram ah an kuhter hna a si ah cun Israel cozah cu santlai lo taktak an si lai tiah a rak chim bal cang.

Source: BBC