Israel Prime Minister Benjamin Cozah Le Party Dang Pawl Hna An I Rem Khoti Lo

Israel ram cu April thla chungah khan i thimnak cu felfai tein an dih cang i Prime Minister Benjamin, Likud Party hna nih tei nak an hmuh.cun Prime Minister Benjamin nih hin Jewish ultra-orthodox party hna le nationalist party pawl hna he i fonh in cozah thar dirh an timh tik ah fawi tein member 65 cu an tling.

Prime Minister Benjamin nih cozah thar ser ding in party dangdang i fonh dingin a sawm mi hna hi an lung a khah khawh ah cun fawn taktak in cozah thar cu a dirh kho dingmi an si.a mah belte zahan tiangah cun Prime Minister Benjamin cozah le a sawm mi hna party dangdang pawl hna cu an lung an i khat lo i cozah thar cu dirh khawh dawh dang an si ti lo tiah an chim.

 

Cun Prime Minister Mr.Benjamin nih party dang he cozah thar ser a duh nak kong cu a ra May 28 ah khin chimfiannak le theihternak ton biaruahnak tuah ding an si i party dangdang hna he i hlan hrim hrim ah lungrual tein rian an t’uanti nak langhter dingah biachahnak an tuah hmasa ta a hau tiah an chim.

 

Prime Minister Benjamin nih a sawm mi hna party dangdang pawl hna nih cun Prime Minister Benjamin si lo in midang hna cu Israel ram hruaitu dir hmun ah chiah an rak duh cio hna caah an karlak ah i theihthiam lo nak tampi a um peng rih.Israel ram nih Minister 19 le Deputy minister 4 cu a neih khawh hna i cu rian t’uan ding mi hna caah duhsak khun mi a dangdang an neih cio hna caah an lung a rual lo nak hi a si cem tiah an chim.

Source: Israel times