Kawl Cozah Nih AA Ralkap Le AA Miphun Pawl Hna Cu An Dih Lak In Anci Hmih Dih A Timh Cang Hna

Nitlak lei Ralkap hrambunh Ann pengtlang chungah May 12 zinglei sangah kawl ralkap security phurtu mawtaw”car” cu AA ralkap pawl hna nih Yimuh bomb hriamnam t’ihnung taktak mi in kah le den a si tiah AA General Htun Htun Ngi nih a chim.

Cun hi an i kah nak ah AA hriam tlai pawl hna cu hliamhma a tuar mi kan um hraw lo i kawl ralkap tu hna hi hliamhma a tuarmi tampi an um lai pin ah mithi zong tampi an um lai tiah ruah a si tiah a chim chap.

 

AA pawl le kawl ralkap an i kah nak hmun hi Ann pengtlang a si mi Ngaiwungchawng khua le Datdaw khua karlak ah a si caah civil mi hna minung pakhat hmanh nih hliamhma a tuar mi an um hraw lo tiah an chim.

 

AA pawl hna nih an kah mi kawl ralkap mawtaw”car” hna hi pathum an si i a pathum ning tein aa t’hek dih na in kawl ralkap lei mithi le hliamhma an tuar mi kong pakhat hmanh theih khawh a si rih lo tiah an chim.

 

Cun hi mawtaw”car” hna hi kawl cozah nih AA ram chungah a chiah a um ter mi hna a cozah ralkap pawl thazaang t’hawnternak caah a kuat mi hna an si i,cu thawngpang thei in lampi ah AA nih an kah manh hna hi a si tiah an chim fawn.

Kawl cozah nih AA pawl hna cu an ci hmanh zuahlo in thah dih hna u tiah nawl a pek hna i cu nawl a pek hna dih ah AA ram chungah a ralkap hna cu kuat cuahmah a timh cang hna tiah AA thawngzamhtu Pu.Khaing Tuh Kha nih achim.

Ref: Mizzima