Kawl Ralkaap Nih Mipi Sin Ah Thawngthanhnak An Tuah

An thanh ning ah cun, hibantuk in kahdaih hnatlaknak kan sauh tthanmi hi a ra laimi June 30 ca tiang a si, tiah an chim chih. A tu bantuk in cawlcanghnak a chuah khawhnak ding caah hin hriam tlai phu hna sin in cawlcanghnak a um hmasa caah a si, ti a si.

Myanmar’s Commander-in-Chief of Defencse Services nih thawngthanhnak thar an tuah. An thanhning in “hriamtlai phu panga hna he thla hnih chung kahdeih hnatlaknak cu tuah tthan a si” tiah an thanh. Hibantuk in Commander-in-Chief of Defencse Services nih an chimmi cu cu Xinhua thawngzamhtu hna nih mipi sin ah an chim.

Kachin Independence Army (KIA), Ta’ang National Liberation Army (TNLA) le Myanmar National Democratic Alliance Army (MNDAA) hna nih remhchunhnak tuah cuahmah mi hi tlungte in a kal khawhnak hnga tiin bawmhnak thang in tuah khawhmi a si. Cubantuk tthiamtthiam in Nationwide Cease Fire Accord (NCA) ah min a thu rih lomi dang hna zong nih NCA ah hnatlaknak an tuah khawh ve nak ding in faakpi in an i zuam.

Hi caan chung ah hin Myanmar thlanglei, nichuah thlanglei, nichuahlei hmun hrang ah ralkaap cawlcanghnak a um tawnmi hna cu ngol chung rih an si lai, tiah an chim.

Cattialtu ruahnak: Hibantuk in kahdaih hnatlaknak an tuahmi nih hin zeimawzat cu tuk-kah nak hi a daihtermi a lo. Nain zeimaw caan ah cun cubantuk in hnatlaknak an tuahmi hna cu buar in tuk-kah nak a chuak ve lengmang tthiamtthiam hoi. Kawl ralkaap pawl zong hi Laimi an lo pah ka ti. Laimi cheukhat meeting chung biakhiahning silo in mahduh paoh in biachim a hmangmi pawl he ka tahchunh hna.

Ref: Mizzima