Kawl Ram Fimchimtu Aung San Suu Kyi Phunki Lukawng Hmaiah A Kun Len Ko Mi Cu Mu

Kawl ram fimchimtu Daw Aung San Suu Kyi cu zumlotu kawl phungphung hna hmai ah a kun len ko mi cu, uar a um lo taktak si,Aung San Suu Kyi hi zumtu khrihfa bak hei si sehlaw zei tluk in dah mipi nih an uar chin hnga le mipi dawt a hlawh khun hnga?zumlotu hna sin ah a kun len bu hmanh in a kawl ram minung vun chimlo kan mah Chin ram mipi hmanh nih Aung San Suu Kyi hmai ka ah cun Ritte thi bang cawlcang ngamlo bak in a um mi tampi kan um cang cu mu.

 

Daw Aung San Suu Kyi hi ramkhel rian ah cun Nu si hmanh sehlaw vawlei cung ram uk bawi dangdang hna nih an tluk bak loh!a rian t’uan ning le a cawlcangh ning,mipi thinlung a lak khawh ning le a ral t’hat nak hna nih hin a rian t’uan ding vialte hna cu a tei dih cang ti usihlaw kan palh tuk lem lai lo dah.Aung San Suu Kyi nih ramkhel rian a t’uan chungah roca tampi zong a lak cang,asinain a kawl cozah a rian t’uanpi hawi hna mit hmai chiat lai a phan caah cu roca an pek mi chungin chuh t’han mi tampi a um.

 

Cun Aung San Suu Kyi rian t’uan ning hi mah le phak tawk cio in vun chim ah cun Aung San Suu Kyi nun hi Chinmi hna nih kan i cawn awk ah ka duhmi pakhat te cu,”Aung San Suu Kyi nih a rian t’uanpi hawi le hmaisen lai a phan caah upat an pek mi roca hna cu tampi chuh t’han a si i,cucu kan Chin mipi nih kan i theihter lo i kan mah miphun le laihri tlai CNLD party nih dirpi kan herh an ti cuahmah lio ah Chin mipi tampi hna nih cun kan lai hri tlai cu philh in kawl party kan ti peng mi hi ruat set mat rih ko hna usih”tiah ka chim peng mi cu a si.

 

Daw Aung San Suu Kyi nih cun ramkhel rian a t’uan cuahmah bu ah a biak nak Phunki Lukawng a philh hna lo pin ah a miphun le a sining a kal tak lo,kan nih laimi /Chin miphun nih cun kan sining kan i philh dih i miphun dang hna sin ah hloptlo ngai in kan t’hut dir khawh rih ko mi cu khuaruahhar miphun cu kan rak si ko Mu.

https://www.facebook.com/hhtk.com.sg/videos/2256228601296313/?t=9