Kawlram Pumpi Ithimnak Caah July Thla Thok In Chin Ramkulh Chungah Cazin An Lak Cuahmah Cang

Kawl ram pumpi ithimnak dingah July thla thok khan cun Chin ramkulh chungah an minung hna min cazin an lak cuahmah cang hna tiah Commission secretary U Lin Kyaw nih cun a chim.cun, Chin ramkulh chungah minung zei zat dah vote a thla kho le minung zei zat dah vote a thla kho lo ti mi,min ca zin hna cu immigration office nih t’uanvo a lak cuahmah cang tiah theih a si fawn.

Photo credit free .

Commission secretary U Lin Kyaw nih cun Chin ramkulh chungah vote a thla kho le vote thle kho lo mi hna min ca zin cu July thla in September thla tiang tawlrel a si lai i,a dangdang in computer chungah chiah an si lai.cun, ramdang lei ah a a tlawng chungmi hna an min ca zin zong t’ha tein chiah chih an si lai tiah a chim.cu pin ah an mah ram le khua ah um lo in hmun dangdang ah a um kal mi hna zong an ca zin a dang tein chiah a si lai.

 

Cun,vote thlak a duh mi hna an si ah cun t’uanvo neitu hna sin ah vote thlek an duh nak cu phun thum in hal an hal khawh nak dingin rian t’uan piak an si fawn lai.cun,an ram le an khua ah a um lo i,Ca zin tuah lio ah vote a thla kho a si ko na in hmun dang ka dang a um ruangah vote a mah duh paoh in a thla kho lai lo.vote thlak a duh ko a si ah cun phungning tein nawlpatnak a tuah hnu ah vote a thlak khawh lai,cu ti bantuk thil a tuah lo a si ah cun vote thla kho a si zongah vote pakhat hmanh a thla kho lai lo tiah a chim.

Photo credit free .

Commission secretary U Lin Kyaw nih cun Ca zin latu hna sin ah,Ca zin na lak tik ah chungkhar pakhat (Family Registration Card) chungah an min t’ha tein a um ko i vote thlak a duh ko na in hmun dang ah a um mi a si ah cun,a hlan kan tein ralrin nak nei cia dingin na chimh dih cia hna lai tiah a chim.cu lo ah cun vote thlak nih le caan ah cu bantuk minung nih cun vote an thla kho ve lai lo.cun,vote thlak nak konghe pehtlai in ningcang tein min ca zin ka chiah lo a si ah cun buaibainak le thil t’halo a chuak kho a si caah a tu kan chim ning te in kan tuah lai tiah a chim.

Cerdit: Free