Kaya Cozah Bak Nih Khrihfa Mi Hna Caah Biakinn Tha Taktak In An Sak Piak Ko Hna

Kaya ramkulh chung Shiataw peng chungah a um mi khua pakhat cu Tarida khua tiah an kawh i cu Tarida khua ah cun Khrihfa tampi an um lem lo.an ram le an khua an nun can ning hna hi an harsa ngaingai,asinain Khrihfa a um mi hna nih ningcang tein Pastor zong an nei i cu an Pastor nih cun 2018 lio ah khan an mah Kaya a cozah sin ahbawmhhalnak a rak tuah.

 

Cun hnu ah Kaya cozah le a Palai pawl hna nih an ceihkhan piak hna i cu hnu cu a tu hi Tarida khua Biakinn an sak piak khawh hna hi a si tiah Tarida khua i Pastor a t’uan cuahmah mi pastor Moe Jet nih cun a chim.

 

Kaya ramkulh a cozah Upa rian a t’uan cuahmah mi Aung Kyaw Soe le U Ti hna nih cun Tarida khua bak ah an va kal i an khuami hna cu zei set dah bomhchanh nan duhmi a si tiah an va hal hna i an khuami hna nih cun Biakinn sak piak kan duh cem tiah an rak leh hna.cui hnu ah Naypyidaw ah Nahtahlah bawi pawl hna he kan i tong lai i cu hnu ah thawngthanhnak kan in tuah te hna lai tiah an leh ve hna.

 

Hi ti bantuk in Biakinn sak nak kongah a cozah nih bawmh dingin khua a khan piak hna chung hi kum khat chung bak a rau ve i cu hnu ah a tu ceo hi an kan sak piak khawh mi a si tiah pastor Moe Jet nih cun a chim.hi khua ah hin Inn 80 hrawng an um i Khrihfa a si mi hna cu hmun khat te ah an um t’i hna i an lung zawng an i rual taktak tiah an chim.