Khrihfa Mithi Vui Nak /Donghnak Caan An Tuah Cuahmah Lio Ah Minung 65 Bak Thah An Si

Boko Haram timi ram khi Ni thlaklei Africa ram chungah a um mi khua a si i,Boko Haram khua le ram hi ‘the Islamic State’s West Africa’ tiah an kawh mi ram a si.cun, Boko Haram ram uk tu bawi pawl hna le ralhrang jihadist terrorist organization pawl hna i i pehtleihnak hnet taktak in a ngeimi an si tiah an chim.Boko Haram min i bunh in jihadist terrorist pawl hna nih hin Nigeria state chungah mi tampi an thah cang hna.

 

July 29.2019 chun ah khan Northeastern Nigeria ram chung a si mi Borno state chung Nganzai khua ah mithi ruak vui nak caan an hmang i,cu mithi ruak vuinak caan an hman cuahmah lio ah cun Boko Haram ralhrang pawl hna nih um hmun rawlh bak in an kah hna i,thlan hmun ruak thlah dingin a kal mi hna chungin minung 65 bak an thah hna pin ah minung 11 nih fak lak in hliamhma an tuar tiah an chim.

 

Hi konghe pehtlai in local government chairman Muhammed Bulama nih cun hi tibantuk in Nganzai khua ah ruak vuinak a tuahtu hna hi Khrihfa mi an si.mithi ruak cu thlanmual ah an kalpi i,thlan chungah mithi ruak an chiah lai te i ruak thlah nak(thlacamnak) cikhat te an vun tuah lio ah khin Boko Haram ralhrang pawl hna nih meithal he an fuh hna i minung 65 an thi,minung 11 nih hliamhma an tuar i zoh khenh cuahmah lio an si tiah CNN ah a chim.

 

Cun, mithi ruak vuinak caan a hmantu Pastor pa zong Bible Ca a rel nak hmun in kah a si.Boko Haram ralhrang pawl hna nih hi ti bantuk in an thah mi hna hi zei ruangah dah a si tiah dothlatnak tuah cuahmah lio a si.a tu tiangah cun cu ruang kha ruangah an kah/thah hna nak cu a si tiah bia fiang pakhat hmanh theih khawh a si rih lo tiah an chim.

Source: CNN