kim Jong Un Nih President Vladimir Putin Ngunnaam (Vainaam) A Peek

Nizan cacawn ningani ah khan President Vladimir Putin le Kim Jong Un cu historic summit an ngei. Hi summit an ngeih ah hin caan saunawnpi chung caan an hmang tti. Cubantuk in biaruahnak an ngeih hnu ah Kim Jong Un nih anmah Korean traditional ngunnaam (vainaam) cu a peek. President Vladimir Putin nih Kim Jong Un a tthenh vemi hi Saber le lakphak ser/chuan nak hna an si ve.

Kim Jong Un nih Putin ngunnaam a peek pah ah a chimmi cu, “tuchan bantuk in ralthuam a rak um hlan ah khan cun, kan ram nih a hawkom ttha hna sin ah ngunnaam hi an rak peek tawn hna. Cubantuk thinlung le thlarau cahnak pinlei ah kan ram mipi hna nih na ram an ttanh ning langhternak a si” tiah a chim.

President Putin nih Kim Jong Un a peekmi Saber hi hlanlio naam a saumi phunkhat a ttha ngaingai mi a si. Cupin ah lakpkhak sonak (Tea set) a peekmi zong hi Russian Tea set a man a faak taktak mi a si fawn, tiah an chim.

Cubantuk in hawikom ttha sinak ah thil i tthenh peek veve lawng silo in Russian Federation le Democratic People’s Republic of Korea ram hnih hna hmunkhat ah tluangte in rian an ttuantti khawhnak hnga, tiin zu a man a faak taktak mi an toast tti hnu ah an tonbiaruahnak cu an dither.