Kum 2020 Kawl Ram Ithimnak Ah Daw Aung San Le President Win Myint Itel Ve An I Tim Than

Kum 2020 kawl ram pumpi ithimnak ah a tu lio i kawl ram pumpi president rian a t’uan cuahmah mi U Win Myint le kawl ram fimchimtu Daw Aung Sa Su Kyi hna zong nih itel ve le i cuh ve an i tim t’han tiah june 8 NLD Central Cemmittee ton biaruahnak an neih nak ah an ceih chih tiah an chim.cun Naypidaw Sipin pawl hna ton biaruahnak inn ah Central EC member chungtel pawl hna zong ton biaruahnak an nei dih cang in an pahnih tein itel ding an si ko tiah Dr Myo Nyunt nih reporter pawl hna sin ah a chim.

 

Kum 2020 kawl ram pumpi ithimnak ah hin U Win Myint le kawl ram fimchimtu Daw Aung San Su Kyi an itel te lai ti hi a hlan kan in NLD hruaitu hna le kawl ram party dangdang hruaitu palai pawl hna zong nih an rak theih tuk ko na in tuan hlan ah cun an rak chim phuang duh bak lo mi kha a si na in NLD Central Cemmittee ton biaruahnak an tuah ah cun U Win Myint le Daw Aung San hna kongah a tu in mipi sin ah kan chim phuan ah a t’ha deuh lai tiah biachahnak an tuah hnu lawng in hi thawngpang hi theih a si tiah an chim.

Cun U Win Myint le kawl ram fimchimtu Daw Aung San nih 2020 ithimnak ah teinak an hmuh khawh ve nak hnga caah cun langsar tein timhtuahnak an neih ve hi a herh caah mipi sin ah theihternak tuah hi a t’ha deuh in kan theih caah hi tibantuk in thawngthanhnak kan tuah mi hi a si tiah MP Tinh Swe nih a chim.cun NLD hruaitu hna nih cun State le ramt’hen hruaitu hna caah cun NLD luhtlai an tling dih lai i party dangdang hna nih phundang in an ruah awk a si lai lo tiah an chim.

 

Cun Asian Human Rights Commission hruaitu Sihni Min Lwin Oo nih cun Daw Aung San nih hin a tu a sinak State Counsellor rian cu chuahtak in kan mah min in election campaign cu a tuah khawh ko tiah an mah lei dir dingah a duh nak cu mipi sin ah a chim ve tiah Dr Tinh Swe nih a chim.