Lushei pawl hna nih Laimi sin ah ca an kan kuat mi hi t’ha tein rak rel ve hmanh

Mizo/Lushei pawl hna nih kawl ram chung um mi (Laimi) hna sin ah Ca an kan kuat mi hi t’ha tein rak rel law,zei tin dah na hmuh ning le na pom ning a si ve?comment nak chungah na ruah nak rak chim ve te?

Kawl ram mi Chin Unau hna sin ah biacah; Nan ram (Myanmar) ram chungah voi 6 bak kan rak tlawng cang i Chin Unau hna nih zei tluk in dah (khualtlung)nan dawt hna le nan zohkhenh hna ti hi fiang tein ka theih.a si na in kan nih Mizo pawl hna nih cun Chin Unau pawl hna nih nan kan zohkhenh(dawt) ning cu kan in tluk kho hrimhrim hna lo.cun kan Unau Chinmi hna nih cun Mizoram in nan ram chungah a rak lut mi hna cu nan si khawh chungin nan rak tawlrel hna i nan tuarhser mi cung a lawm zong kan i lawm taktak.

Mizo ram mi nan ram a rak lut mi hna hi a rak kir tik ah cun a lawm lo mi an um lo i lunglomhnak in kan khat dih.a si na in mah hi Chin Unau hna sin ah kan cah duh hna,”Chin mi hna nih Mizoram nan rak tlawn tik ah nan ram i Mizo pawl hna nan rak zohkhenh ning hna bantuk kha cu a mi zei hmanh nih nan i ruahchan awk a si lo,a bik in Aizawl khuapi chung minung hna lak ah cun mah bantuk ruahnak kha nan neih bak awk a si loh”.cu ti nan rat a si ah cun Mizo pawl hna cungah nan vuivai lo deuh lai.

Nan nih Chin Unau hna nih cun Aizawl in (Tahan) a rak tlawngmi hna, dawt awk tlak lo nan rak dawt mi hna minung hmanh nih khan Aizawl nan rak tlawn tik i hmai tonh in cu Nu cu Pa nan ton hna hmanh ah na rak dawt tuk mi Mizo nih khan an theihter ti lo men lai.cun nang mah he a tawng bal lo mi le mizei na si hmanh kha a philhter men ko lai.

 

Cu cah Chin Unau hna nih Mizo ram chungah nan ton mi thil hi nan mah lawng nih an ton mithil a si lo,”Aizawl khuapi chung in Khrihfa upa a t’ual cuahmah mi hna hmanh khi.Mizoram khuate lei i an vah nak hmun ah a rak dawtu an chuahpi taktak Mizo minung hna hmanh Aizawl an va tlawn tik ah cun an rak chawn duh hna lo i a theihlo um bak in an um kho mi kan si”.hi thil hi kan Unau Chin mi hna lawng nih nan ton mi a si lo i Mizoram khuaite um mi vialte hna zong nih mah hi kan ton cuahmah mi an si.

A Mah belte cu Mizo minung vialte hna hi kan ruah nak le kan lungput aa khat dihlo ti hi rak kan theih piak u ti hi kan duh.minung cu mit’ha lak michia cu a um ve phung a si.khi mi hna lak ah hin mit’ha tampi an um ve ko ti tu hi rak kan theih piak hram u ti kan duh!

 

Credit: Lalchhuanmawia Tochhawng