Mai Sangte Le A Hringtu A Pa Zoh Ah Khin Zei Dah Na Thinlung Chungah A Chuak Ve?

Chin miphun mual a kan photertu le a ka deh hlengtu Mai Sangte cu July 31.2019 ah khan tleih a si cang. Mai Sangte an tleih khawh ning cu hi tin a si,”Mai Sangte nih a fa hi Dallah khua i a um mi a Nute si ah a fa cu a chiah.cu a fa te cu va la dingin a kal nak ah Dallah khuami hna nih an rak hmuh i cu nak cun an rak tleih khawh hi a si”tiah an chim.Mai Sangte konghe pehtlai in t’uanvo neitu hna nih Dallah khua mi an hruaitu pawl hna sin ah Mai Sangte cu nan hmuh ah cun rak tlei uh tiah thawng an rak thanh cang bantuk tein an tleih hi a si tiah theih a si.

Mai Sangte le a Pa photo.

Chindwin post neitu Salai Mupi nih a chim ningah cun Mai Sangte cu a mah a hringtu a Pa le a hawi le pawl hna he Lai tlang lei ah tlunter an si lai.cun july 31.2019 zanlei sang chuakmi motor ah tlunter manh dingin kan i zuam lai tiah a chim. Mai Sangte hi Shwe Kyar pawl hna nih Hakha Maan Bus Station ah t’ha tein an va chiah hnu ah Mai Sangte cu a rak zam.a ruang cu Mai Sangte nih hi Lai tlang lei tlun hi a duh loh.

 

Mai Sangte nih Lai tlang lei a tlun duhlo nak a ruang a chim mi cu,”Ka fa hi motor a ri tuk i,mah ti bu in Lai tlanglei ah ka fa he tlun cu zoh khenhtu nei lo in lampi ah ka um sual lai ti ka phan ruangah a si tiah Mai Sangte nih a chim”tiah an theih a si.Mai Sangte cu a hringtu a Pa le a chuahpi a Ta nih an rak hlam ruangah a tu cu a Ta le a Pa le tin Lai tlanglei ah tlung dingin zei hmanh ka zenh ti lo tiah a chim.

 

Cun, Mai Sangte nih a chim mi cu hi ti bantuk in thil ka tuah mi hna hi ka Pasal nih zei hmanh a theih lo pin ah fialtu zong ka ngei lo kei mah lungtho tein ka tuah mi a si ko tiah a chim.Sangte nih bawmh nak a hmuh hnu in a zam i mipi kawl hau in a um nak kongah a chim bik mi cu motor kan rit tuk ruangah a si ko.zei thil dang hmanh a um lo tiah a chim.

 

Credit:Chindwin post