Mexico Cozah Nih Mipem Le Ralzam Khamnak Dingah A Cozah Vanlawng Pawn A Timh

Mexican President Andres Manuel Lopez Obrador nih cun Mexico ram chungah i dor riangmang in ningcanglo in US ram chungah luh i tim in khuasa mi,ralzam le mipem pawl hna cu a herh ning paoh in kham le an cungah rian t’uan a si cang lai tiah a chim.cun hi ralzam le mipem pawl hna kham nak ding caah a cozah ralkap thazaang lawng nih a tlinh lo caah chawva tampi a dih ding le thazaang tampi hman a hauh lai caah Mexico cozah vanlawng hna cu zuar an si lai tiah a chim.

Cun Mexico cozah nih a neih mi vanlawng a zuar man le a miak a hmuh mi hna cu US ram chungah ningcanglo in luh a tim mi hna le thil t’halo tuah a tim mi,Mexico ram chungah khuasa mi pawl hna kham nak ding caah hman a si lai tiah a chim.hi vanlawng zuarnak konghe pehtlai in Mexican President Andres Manuel Lopez Obrador nih hin a ram mipi hna le a campaign pawl hna sin ah cun kan ram chungmi miharsa bawnhchanhnak dingah zuar an si te lai tiah a rak chim bal cangmi a si tiah an chim.

Mexican President Andres Manuel Lopez cozah nih zuar an timh mi vanlawng hna hi Boeing 787 Dream­liner a si i pakhat ah US dollar 150 million man an si.a mah belte Mexico cozah nih hi vanlawng Boeing 787 Dream­liner a rak cawk lio ah hin US dollar 218 million in a rak cawk mi an si tiah an chim. US cozah he remdaihnak an ser hnu in Mexico a cozah ralkap National Guard hna cu minung 6,000 ramri ah a chiah hna tiah an chim.

Mexican Boeing 787 Dream­liner photo.

Mexico cozah hna nih cun an vanlawng Boeing 787 Dream­liner cu US ram chung California warehouse ah a chiah cia hna.cun Mexico cozah nih a neih mi vanlawng Boeing 787 Dream­liner pawl hna cu 60bak zuar a timh pin ah helicopter 70 bak zuar a timh hna tiah an chim.Mexico cozah nih mah bantuk thil tuah a timh mi hi US cozah nih hrem a timh ruangah a si.

Source: BBC