Minthang Taylor Swift Le A Tlangval Pa Cu Mi Hlan Ah Ningzah Zong An Theihti Lo

Vawlei cung minthang hna le Hlasak thiam minthang hna lak ah hin midang pawl hna cu mipi hmuh ah an kawp hna he an tlawng lengti lengmang i an kawp hna ruangah media nih ceilak in an phomh ve tawn hna.asinain Taylor Swift le a tlangval pa lemcan thiam British ram mi Mr.Joe Alwyn hna cu mipi hlan ah an langtuk bal lo i a tu te hi mipi hna hmaika ah za t’ial kut nem i tlai in an langh bak a si tiah an chim.

 

Taylor Swift nih a tlangval pa he mipi hna hmuh ah um ti le cawlcangh ti hi na duhlo bia maw a si tiah an hal i. Taylor Swift nih cun ka tlangval pa he hin ni fa tin a minute tiang khin hmun khat teah umti le lenti cu kan duh tuk mi a si ve ko na in rian nei veve kan si caah Mr.Joe Alwyn he hin hmun khat ah kan umti tuk lo nak a si.a duh cu kan i duh tuk Mr.Joe Alwyn nih a ka duh bantuk in kei zong nih ka duh tuk ve tiah a chim.

 

 

Cun a tutan i Taylor Swift le a tlangval pa Mr. Joe Alwyn hna nih Paris khuapi chung mipi na hmai ka ah kut za tial i tlai in zalam an len lio a hmutu hna cu an khuaruahhar ngaingai tiah an chim.zeicatiah Taylor Swift nih a tu bantuk hin cu hlan a tlangval pawl hna cungah mipi hna le za tlang hmuh ah a um bal lo mithil a si tiah an chim.