National Security Advisor John Bolton Nih Iran Lehnak A Tuah Than Mi Cu Dah Ngai A Mak Ko

American President Donald Trump nih aa rinhchan ngaingai mi national security adviser John Bolton nih cun Iran ram sin ah lehnak bia a chim t’han rih.Iran cozah nih hriamnam t’ihnung nuclear le atomic bomb a si lo ah missile bomb hriamnam tampi ser a timh ruang ah US cozah nih cun an mah Nuclear deal pehtleih nak kan tuah mi cu kan chahmi a si tiah a chim.

 

Cun Iran cozah nih hin US le Saudi Arabia i pehtleihnak cu rawh a timh i a thli tein Saudi oil port of Yanbu rian t’uantu hna cu kah a timh hna.asinain Iran nih a timh mi a hlawh tlin lo caah Yemen ralhrang hna le Houthi ralhrang pawl hna nih drones hriamnam in Saudi oil port of Yanbu cu an rak kah piak hna tiah fiang ko in a chim.

 

Cun Iran nih june 7 tiangah EU ram hna he nuclear deal an tuahmi kongah hlawhtlinnak an hmuh khawh lo a si ah cun EU ram hna nih Iran cungah a hriamnam sernak caah a herhmi thilri Uranuim enrichment a man cu santer a timh. asinain hi thil pawl hna hi zei tin dah a si khawh tiah Iran nih lunghrinnak le theih mi zei hmanh a neilo.mah bantuk in thil a tuahtu taktak cu US cozah a si tiah a chim.

 

Iran he a pehtleimi EU, Russia, ram dangdang pawl hna cu US he biachahnak kan tuah dih cang i Iran nih hriamnam a sernak ding caah a herhmi thilri vialte hna kongah ramdang mi hna cu US nih a ton dih cang hna.cu caah Iran nih a neih a timh mi hriamnam pawl hna cu zei tik hmanh ah a neih khawh lo ding in US nih rian a t’uan peng lai tiah a chim.

 

Hi lio ah Iran Revolutionary Guard Gen. Ramazan Shari nih cun kan nih Iran cu vawlei pi theih in kan thilti khawh nak cu theih a si na in US cu an t’hancho nak theih a si ti lo an mah he i kap dingah timhcia peng kan si tiah an rak chim peng rih tiah an chim.

Source: BBC