Nepal Cozah Nih Tibet Ram Khrihfa Hruaitu Dalai Lama Chuah Camtuak Birthday Tuah Piak Bak Lo Dingin Nawl An Chuah

Nepal ram chungah khuasa mi Tibet ram mi vialte hna nih cun Tibet ram chung Khrihfa vialte an hruaitu Dalai Lama chuah camtuak birthday cu sunglawi taktak in tuah piak dingah biachahnak an tuah.asinain Nepal cozah hna nih cun hi thil tuah nan i timh mi hi kan ram chungah cun zei hmanh nan tuah awk a si lai lo tiah nawl a chuah piak hna i,Nepal ram chungah Tibet ram mi Dalai Lama muisam nan len ter awk a si lai tiah an chim.

Tibet Khrihfa hruaitu Dalai Lama photo.

Nepal ram chungum Tibet ram mi hna nih Dalai Lama chuah camtuak birthday tuah piak an timh mi hi Dalai Lama kum 84 a tlin nak ding a si. Tibet ram mi hna nih an i timh ningah cun Dalai Lama chuah camtuak birthday cu Nepal ram chung a si mi Kathmandu khuapi chungah hlunghlai taktak in a birthday cu tuah piak dingin biachahnak an tuah. asinain Nepal cozah nih cun Nepal ram chungah Tibet ram mi hna nih hi tibantuk thil nan tuah a si ah cun Nepal ram chungah thil t’halo a chuak kho a si caah nan tuah awk hrim a si lai lo tiah an kham hna hi a si.

Hi konghe pehtlai in China cozah nih cun Tibet Khrihfa hruaitu Dalai Lama ruangah hin Tibet nih China ram chung sinak in Tibet ram cu chuah an i timh nak a si,Tibet le China ram karlak ah i huat nak le airem lo nak a chuahtertu hi midang an si lo i,Dalai Lama ruang a si.Dalai Lama cu t’ihnung ngaingai mi a si tiah a rak chim ve.Dalai Lama hi Tibet ram nih cun an tungsut pi bak a si, dothlen nak lei ah Tibet nih ramdang mi hna he rian t’uan dingin timh tuahnak an neih mi paoh ah cun ruah nak a cheutu hna a si.

Cun, Nepal ram chung a si mi kathmandu khuapi chungah hin Tibet ram mi hna cu minung 20,000 renglo an um.Tibet ram chung/tual chung thil a cangmi konghe pehtlai in kathmandu khuapi chungah cun China ram cungah Tibet nih a lungtlin lo nak konghe pehtlai in an duhlo nak langhter in voi tampi sandah piah nak an rak tuah ve lengmang.curuang ah China cozah nih Nepal airport immigration rian t’uantu hna sin ah American ram chungah a va um mi le US ram mi sinak a nei cang mi hna Tibet ram mi hna cu na ram chungah luhter ti hna hlah tiah nawlpatnak zong a tuah.cun, a tu tan thil konghe pehtlai in China cozah thil tuah mi a si lai tiah an ruah.

Source: BBC