North Korea Cozah Nih US He An Karlak Ah Palai A Thlahmi 4 Ka Thah Hna Tiah Vawleipi Hlen Dawh A Si Than

Kan hnung zarh chungah khan North Korea hruaitu Kim Jong Un nih a tlang chuak palai minung pa 4 hna cu North Korea ram leirawitu ah puh ih a thah hna tiah kan rak langhter cang.hi konghe pehtlai in North Korea cozah nih a tuah sernak kongah ramdang mi hna nih an ruah nak le Kim Jong Un an hmuh ning cang cu mi zei ram hmanh nih an chim phuan mi hmuh awk a um hraw lo.

Cun Sourth Korea ram chung thawngzamhtu nih a rak chim ningah cun Kim Jong Un nih a tlang chuak palai minung 4 a thah hna nak a ruang cu Trump le Kim Jong Un hna nih Vietnam ram chung khuapi Hanoi ah Ca buai cung ton biaruahnak an rak neih lio i fel fai tein biachahnak an rak tuah khawh lo mi cu US le North Korea cozah karlak ah rian t’uantu hna Chief Negotiator Kim Hyok Chol le a hawi le hna an si tiah a puh hna tiah an chim.

 

Asinain CNN nih a chim nak ah cun North Korea hruaitu Kim Jong Un nih US le North Korea karlak ah remdaihnak sertu palai Chief Negotiator KimHyok Chol le a hawi le hna cu a that hna lo i,mi hmuh khawh lo nak ah a hrem hna tiah a chim t’han.a mah belte Chief Negotiator Kim Hyok Chol le a hawi le hna cu Kim Jong Un nih fak taktak in dantat dingah biachahnak a tuah piak cang hna tiah an chim.

Cun Kim Jong Un nih a zohthla ngaingai mi le a mah holh leh piaktu Kim Song Hye zong tleih dingah biachahnak tuah piak a si.mah hna pawl cungah hin Kim Jong Un nih zei bantuk dantatnak dah a tlunter lai ti cu a fianglo na in,an cungah thih lo nak tiang in thil t’halo zong biachahnak an tuah piak khawh mi hna an si tiah an chim.

Source: CNN