North Korea Hruaitu Kim Jong Un A Hrang Cang Trump Nih A Bultawl A Hau Taktak Cang

Sourth Korea ram chung thawngzamhtu hna lak ah a lian cem pawl a si mi Chosun ILbo nih cun North Korea ram hruaitu Kim Jong Un nawl pek nak in North Korean Foreign Ministry High Offcials hruaitu hna chungin an i rinh chan ngaingai mi hna minung pa 4 bak a thah hna tiah an chim.cu pin ah Trump le North Korea cozah karlak ah palai a thlah mi hna chungin Kim Hyok Chol zong a thah chih tiah an chim fawn.

 

North Korea hruaitu Kim Jong Un nih mah bantuk in a ram mi a thah hna nak a sullam cu North Korean Foreign Ministry High Offcials minung pa 4 hna le an North Korea palai Kim Hyok Chol hna nih hin kan ram cu leirawi in kan ramngiatu an si caah North Korea Firing Squad pawl hna kut ah chiah an si hnu in Firing Squad pawl hna nih an thah hna tiah an chim.

 

Cun Feb thla lio ah Trump le Kim Jong Un hna nih Vietnam ram khuapi a si mi Hanoi khuapi chungah hmai tonh Ca buai cung ton biaruahnak an rak tuah lio felfai tein kap hnih ram karlak ah remdaihnak le i pehtleihnak an rak ser khawh lo mi kha North Korean Foreign Ministry High Offcials hna le palai Kim Hyok Chol hna an rian t’uan ning a t’hatlo ruangah a si tiah an chim.

 

Cun naite i North Korea nih a hriamnam missile bomb hneksak nak a tuah cuahmah bu zongah Trump nih cun Pu.Kim cu ka sin ah a chim bantuk in a neih mi nuclear hriamnam hna cu a rawh te ko lai tiah a rak chim peng.asinain Japan ram a kal lai teah khan North Korea nih a neih mi hriamnam cu a duh tawk in hneksaknak tuah hmanh sehlaw US caah cun zei hmanhlo bantuk men a si tiah a chim than.

 

Amah belte Pu.Kim nih a ram mi a thah mi hna konghe pehtlai in ramdang mi hna hmurka zei hmanh theih awk a um hraw rihlo i,ramdang mi hna nih Pu.Kim kongah an kam an phau lai cu a ngaih a nuam ngai lai.

 

Source: BBC