Pakistan Cozah Nih American Ram Zei A Rello Nak A Langhter I Iran Cozah He Ipehtleihnak A Tuah Taktak Cang

Iran ram nih thil t’halo tuah a timh mi hna le Atomic bomb le Nualear hriamnam ser a timh mi kham nak ding caah American Trump cozah nih cun Iran ram he rian a t’uanti mi vialte hna cu Iran ram he rian nan t’uanti nak cu cikhat nan chah dih awk a si lai tiah nawlpatnak a tuah dih cang hna,cu hnu ah American nih cun Iran ram he rian a t’uanti mi ram vialte hna cu ni 60 chung caan an rak pek cang hna.American cozah nih cu tibantuk in nawlpatnak a tuah dih hnu in EU ram uk bawi zei maw zat hna le UK ram hna nih cun American duh nak cu zulh pian dingin an tawlrel cuahmah.

Asinain Russia ,Germany ,China, India, North Korea,Pakistan ram pawl hna nih cun Iran ram he rian an t’uanti nak kongah American nih nawlpatnak a tuah mi hna cu zei ah rel lo in bia zong an ceih piak duh lo.hi ram hna chungah Russia president Putin nih cun American cozah he rian kan t’uanti khawh nak ding a si ah cun American ram caah zei thil paoh kan tuah cang lai tiah an chim cang na in Iran ram he an i pehtleih nak kongah zei hmanh a chim rih lo.Iran le vawlei cung ram pawl hna hi ipehtleihnak cu an rak nei dih ngawt ko.

Pakistan ram le Iran ram hna zong hi ipehtleihnak cu an nei ko na in cu hlan an i pehtleih ning nak in i neih niam deuh in chaw an leh khawh nak hnga ding caah tiin kap hnih ram uk bawi pawl hna cu “Joint Trade Committee “ton biaruah nak a thar in an tuah. kaphnih ram uk bawi hna nih oint Trade Committee ton biaruahnak an neih nak ah hin Pakistan le Iran cu chawlhenak lei ah cu hlan nak in ipehtleihnak t’ha deuh an tuah t’han tiah an chim.

Iran le Pakistan nih hi tibantuk in ‘Joint Trade Committee ‘ ton biaruahnak an tuah hi July 5 .2019 zaan ah a si i, Pakistan ram nih cun hi rian an t’uanti nak konghe pehtlai in zei maw thil buaibainak a chuak sual ah cun Iran cozah nih tawlrel piak dingin Iran cozah sin ah nawlpatnak a tuah chih fawn.Pakistan cozah nih cu ti bantuk in nawlpatnak a tuah mi hna cu Iran nih a cohlan dih tiah an chim.

Source: BBC