Pakistan Ram Chung Khrihfa Chungkhar Pahnih Hna An Tuahto Ning Hna Cu Dah Ngai

Tuchun May 26.2019 Sunday ni ah khan Pakistan ram le Punjab ramri ah a um mi Arif Wala Tehsil khua ah Khrihfa Inn chungkhar pa hnih an um i cu Khrihfa Inn chungkhar pahnih hna cu zumlotu Islam pawl hna nih an mah biaknak a bia ve dingin an nor chih hna tik ah an duhlo i biatak tein an hrem hna tiah a chim.

Cun hi Khrihfa Chungkhar pahnih hna nih cun kan Biaknak pin cu a dang biaknak zei hmanh kan herhti lo i biaknak dang a si mi Islam biaknak ah cun zei tik hmanh ah kan kir in Islam pathian cu kan bia kho lo tiah an chim.cu ti bantuk bia an chim ruang ah cun Islam biaknak lei Upar pawl hna nih cun Khrihfa chungkhar pahnih hna cu a let lingin sual an phawt hna tiah an chim.

 

Islam biaknak Upa pawl hna nih cun hi Khrihfa chungkhar pahnih hna nih hin Islam biaknak cu zei ah an rel lo mi cu Islam pathian an sersat biatu a si tiah an au i Islam biaknak a bia mi.mipi hna nih cun thing le lung bak in an phomh hna tik ah fak taktak in hliamhma an tuar tiah an chim.

Hi konghe pehtlai in Muslim community an hruaitu pawl hna nih cun loudspeakers bak in nan um nak khua le nan Inn lo nan chuah tak lo a si ah cun kan in thah cang hna lai caah a ran nak in nan um nak Inn lo chuah tak u tiah an um nak Inn cu t’et dih in an den piak hna tiah British Pakistani Christian Association nih cun a chim.

 

Ref: Christianheadlines