Paletwa Kaladan Hleipi Cu AA Hriam Tlai Pawl Hna Nih An Rawh Piak Hna Cu A Pam Ve Taktak

March 16.2019 lio i AA hriam tlai pawl hna nih Kaladan hleipi an rak khangh piak mi hna konghe pehtlai in Chin ram Sipin bawi U Soe Thet nih a chim ningah cun mah hlei dongh mi hi Paletwa nih Kaladan hleipi sernak dingah Tilawng bak in Yangon ah thirkual lianmi 300 renglo an phurh hnu ah an sermi a si.hi Kaladan hlei a tuahtu hna hi Paletwa an si tiah a chim.

 

AA hriam tlai pawl hna nih an khangh piak mi hna mei nih a kangh dih hnu ah a a hlei vuang thil zei maw hna cu hmanrua an si ti hnga maw tiah Japan pawl hna nih zohfelnak an neih piak hna i,”Japan pawl hna nih an chim ningah cun Kaladan hlei sernak caah an rak hman mi thir le alumanian pawl hna cu hman khawh t’han an si ti lai lo”tiah an chim.

Paletwa,Kaladan hlei AA nih an rawh mi photo.

Chin ram Sipin bawi U Soe Thet nih cun AA pawl hna nih Kaladan hlei an khanghmi hi mei nih a liah dih ko na in a khangh khawh dih lo mi thir zei maw an um i cu thir pawl hna cu Kaladan hlei ser than nak caah hman khawh t’han an si te hmanh maw tiah kan rak ruah.asinain Japan pawl hna nih an zoh tik ah cun zei hmanh hman khawh dingmi an um t’han lo tiah an chim a ti.

 

Hi Kaladan hlei JF3 company nih a rak ser lio ah hin kawl ram phaisa in Ks.491040000 an rak dih.AA pawl hna nih mei in an khangh dih ko na in hi hlei an rak sernak hmanrua zei maw hna cu IKBZ company nih amahkhan in a rak sermi thilri tampi a tel caah an kang kho dih lo.cun pin ah IKBZ company nih serthar nak ding caah thilri tampi hlut t’han dingin U Kyaw Lin nih a chim.