President Maithripala Sirisena A Ram Cu Ralhrang Hna Kut In Luatnak Caah Kamsehbu Bak In

Sri Lanka cozah nih cun kan hnunglei i ( Easter Sunday) lio ah nun nak pek in bomb puah nak a chuak mi kongah dothlatnak a tuah tik ah kah bomb puahnak he i pehtlaihnak an nei hmanh maw a ti mi hna ramdang mi 600 lengkai hna cu an ram in a dawi hna i cu hna lak ah cun Islam biaknak hruaitu minung 200 an i tel chih tiah an chim.

 

Sri Lanka, Home Affairs Minister Vajira Abeywardena nih cun kan ram in dawi a si mi hna ramdang 600 hna hi phungning tein kan ram chungah a rak lut mi cu an si ko,a mah belte Sri Lanka security force nih an mah konghe pehtlai in dothlatnak an tuah tik ah an (visa) hna cu ningcanglo in an rak tuah ruangah Sri Lanka ram chungah a rak lut mi hna an si tiah a chim.

 

Sri Lanka ram chung an luh khawh nak ding ah phaisa zei maw zat hmang in t’uanvo neitu hna cu an rak tham hna i kan ram chungah a rak lut mi hna an si ruangah ram chung in dawi an si tiah a chim.

Cun ( Easter Sunday) lio i tuksum thih nak kongah Sri Lanka cozah nih cun a ram chung um mi Islam biaknak sual a phawt! kah lio ah khan minung 257 an thi i minung 500 renglo hna nih bomb kuanfang in hliamhma an rak tuar.