Ralzam Pawl Hna Nih Australia Parliament House Zung Hmai Bak Ah Sandah An Piah Mi Cu A Tha Ngamsam

Australia ram chung um mi ralzam zei maw zat nih cun i lungrual taktak in Australia Parliament House zungpi hmai bak ah sandah an piah.hi tibantuk Australia Parliament House zung hmai ah ralzam hna nih sandah a piahtu hna hi Iraq, Iran, Sri Lanka, Sudan le Somalia, Myanmar, Rohingya Muslim ralzam pawl hna an si tiah an chim.

 

Cun, hi ralzam pawl hna nih sandah an piah duh hnawh chan taktak mi a cu,”Australia cozah nih cu hlan ah cun a ram chung um mi ralzam hna caah permanent protection visa a rak pek hna.asinain a tu ah cun Australia cozah nih temporary visa ah a thlen piak hna ruangah cucu kan duh lo”tiah ralzam hna nih a cozah sin ah a chim duh cem mi cu a si tiah an chim.

 

Cun, kum 2013 lio khan Australia conservative cozah an dir hnu in cu hlan i a cozah nih ralzam hna caah permanent protection visa a rak pek mi hna cu temporary visa ah a thlen piak hna.mah hi Australia conservative cozah nih ram dangin ralzam a rak lut mi hna caah ti in political asylum caah ser piak thai a timh mi hna an si.asinain Australia conservative cozah nih hi thil tuah a timh mi kongah phunhnih in rian a t’uan cuahmah.

 

Australia conservative cozah nih a chim ningah cun Australia ram chungah ralzam an rak lut mi hna hi micheu ralzam hna cu tilawngin a rak lut mi an um i,mi cheu hna cu hna ngamte in vanzuanglawng(vanlawng) in a rak lut mi an um caah ralzam a si mi Australia ram ah vanzuanglawng in a rak lut mi hna caah cun (temporary visa) pek an si lai lo i (permanent protection visa) tu pek an si lai tiah Refugee Action Coalition biachimtu Ian Rintoul nih a chim.

Credit: Vanglaini