Rev.Abraham Ram Lian Khar: Pa le Fapa Jesuh Le Thiang Thlarau Cu Hmunkhat Ah Rian An Tuanṭ’i Bantukin

Pathian Thaw Chuahhnawh mi ( Gen. 2:7) Pathian nih Adam a ser tikah nunnak petu thaw kha a hnar chungah a chuahhnawh i Adam cu a hung nung. (2Tim 3:16) Cathiang (Bible) hi Pathian nih thaw a chuahhnawh mi a si. (Johan 20:22)Zultu(zumtu) nih Thiang Thlarau an co nakhnga Jesuh nih thaw a chuahhnawh hna.(Gen. 2:18,22)Pathian nih Adam a ser tikah amah lawng a um hi a ṭha lo a ti i, bawmtu a serpiak.

 

Adam kha tlak in a ser, Eve bel tlak in a ser lo. Adam hnakruh in a ser. Nupile cu pasalle bawmtu an si hi, Pathian serning a si. Kan taksa pum hi tlak in sermi a si. Sual ah kan tluk hnu i Pathian nih a kan ser ṭhan tik tu ah cun, Jesuh Khrih in a kan ser ṭhan. Khrih he i pehtlaihnak in a kan ser tharmi, mi thar kan si.( 2 Korin 5:17)Cu ser tharmi bawmtu ah Pathian nih Thiang Thlarau a run thlah. Adam bawmtu ah Eve a ser bantukin ser thar mi zumtu bawmtu ah Pathian nih Thiang Thlarau a kan pek.

Rev.Abraham Ram Lian Khar photo.

Khrifabu a rian cu, lu a si mi Jesuh Khrih nawlngaih le a rianṭuan le sunparnak pek a si.Pum a simi khrihfabu nih lu a si mi Jesuh Khrih nawl a ngaih lo i sunparnak a pek lo ah cun kha bantuk khrihfabu cu thluachuah a co ti lo i a thimi khrihfabu a si.

 

Pa le Fapa Jesuh le Thiang Thlarau cu hmunkhat ah rian an ṭuanṭi bantukin, Pathian nih thaw a chuahhnawh mi: kan thlarau nunnak le Cathiang(Bible) le Bawmtu Thiang Thlarau hi i komh in hmunkhat ah rian an ṭuan zungzal hi a biapi tuk hringhran. Cu lawngah zumtu nih teinak, daihnak, lawmhnak, ṭhawnnak le ṭhannak kan hmuh khawh. Kan thlarau nunnak hi Bible rel lo in a ṭhang kho lo i Thiang Thlarau lo in tuah khawh mi zei taktak hmanh kan ngei lo.

Ref: http://Abraham Ram Lian Khar