Rocket Hriamnam Kah Nak In Kawl Cozah Ralkap Minung Pathum Bak An Thi I An Tilawng A Rawk Dih

Kawl cozah ralkap nih an i citmi tilawng cu Sittway, Rakhine State chung i ti cung an kal cuahmah lio bak ah AA hriam tlai pawl hna nih rocket bak in an rak kah hna ruangah hmun rawl in kawl ralkap minung pathum hna cu an thi tiah Myanmar Chief of the Defense Services nih an chim.AA hriamnam tlai pawl hna nih hin kawl cozah ralkap pawl hna cu an rak bawh cia hna ruangah a tu bantuk in an kah khawh mi hna hi a si tiah an chim.

Rakhine khuapi a si mi Sittway khuapi chungah hin hmun dangdang in AA hriam tlai pawl hna nih kawl cozah ralkap cu an bawh hna i,a kawl cozah ralkap um kal nak kip ah an bawh hna.cun, AA pawl hna sin ah a cozah ralkap um kal nak ding konghe pehtlai in a thli in thawngpang a petu hna le a theihtertu/a bawmchantu hna um dawh an si tiah an chim fawn.

 

Cun AA hriam tlai pawl hna nih a tu tan ah kawl cozah ralkap minung pathum an kah hna hi kawlram lei suimulam in zinglei 3:45 tluk hrawng a si lai tiah an chim.cun kawl ralkap pawl hna nih an i citmi tilawng cu a hnung lei zong a bauh dih tiah an chim.cun kawl cozah nih hi thawngpang an theih bak in Sittway khuapi chungah chek hlat nak an vun tuah tik ah AA hriamnam bettery pahnih hmang in rocket an khah nak (typee63) pahnih bak AA hriam tlai pawl hna ta an tleih tik ah an chim.

Hi thil konghe pehtlai in kawl cozah nih AA cungah zei dah a tuah lai ti cu biafiang a um rih lo,a mah belte Sittway khuapi chung belte ah cun a cozah ralkap pawl hna tampi an kalter hna tiah an chim.

Credit: Vanglaini