Russia Cozah Nih Syria Ralzam Minung 900 Renglo Hna Cu Syria Ram Ah An Kirter Khawh Hna

Syria ram chung ral ruangah Syria ram mi tam lak te hna nih an ram chungah um ngamlo in an ram chuah tak mi hna chung in Lebanon, Beirut, Sidon, Tripoli, Nabatieh le Bekaa ram ah a dor mi vialte hna cu July 12.2019 ah Syria ram lei ah an kirter dih hna tiah an chim.

Hi konghe pehtlai in United Nations High Commissioner for Refugees (UNHCR) nih cun Syria ralzam pawl hna nih an ram ah an kir khawh nak ding caah a Syria cozah nih hmunhma zong t’ha tein a rak tawlrel piak cang hna tiah a chim.

 

Cun,United Nations High Commissioner for Refugees (UNHCR) nih cun Lebanon ram chungah hin Syria ram mi ralzam sinak in a um mi pawl hna hi a minung cun 9,76,000 renglo an si.cucaah Syria cozah nih cun Lebanon ram chungah ka ram mi tampi an um ve lio ah Syria ram chungah hin Lebanon ram mi ralzam sinak in khuasa mi hna hi 1.5 million tluk kan cawm ve ko hna tiah a chim.

Cun, hi tibantuk in Lebanon ram chungah khuasa mi Syria ralzam pawl hna an rak ah an kir khawh nak hi Russia ram rian t’uan nak ruangah a si i,Syria ralzam hna an kir khawh nak ding caah Russia cozah nih Lebanon cozah sin ah nawpatnak a tuah mi cu Lebanon cozah nih an cohlan khawh hna ruangah a kir mi an si tiah an chim.

Source:AF