Russia Le Syria Cozah Ralkap Nih Syaria Ram Idlib Khua Um Mi Civil Minung Tam Lakte An Thah Hna

Idlib khua hi Nitlak lei Syria khuapi a si.Russia cozah le Syria cozah ralkap i bawm in Idlib ram chungah hmun khuartu ralhrang pawl hna um nak ah bomb t’ihnung an thlak i zei sualnak neilo Civil minung 544 bak an thah hna pin ah a dang minung 2,117 renglo hna nih hliamhma an tuar tiah an chim.cun Russia le Syria cozah hi tibantuk in Idlib khua mipi hna sin ah bomb an thlak nak a ruang cem cu Idlib khua mipi hna cu an khua chungum mi ralhrang pawl hna cu an dirkamh hna ruangah a si tiah an chim.

Hi konghe pehtlai in Syrian Network for Human Rights rescuer pawl hna nih an chim ningah cun Idlib khua mipi hna lak ah a tam deuh hna nih cun Syria ram president a t’uan cuahmah lio mi president Bashar al Assad cozah cu tha an pe lo.Bashar al-Assad hi kan mipi a kan rawktu a si tiah an ruah caah Mr Bashar al-Assad thapek nak cun tiah an khua chung ralhrang pawltu cu thazaang an pek deuh hna tiah an chim.

Russia cozah nih Syria president Bashar al-Assad cozah thazaang an pek hi nikum April 26 lio ah khan a su.Syria ram chungah Russia nih a cozah ralkap zong zei maw zat a umter hna i Syria cozah he an i neih niam ngaingai.a tutan zongah Russia cozah nih cun a cozah raltuknak vanlawng jet pawl hna cu voi 100 renglo bak Idlib khua mipi chungah hin bomb a thlakter hna tiah an chim.

Asinain Russia le Syria cozah ralkap pawl hna nih cun Idlib khuapi chungah Civil zawt ruah nak neilo in bomb kan thla lo.khi khuapi chungah a um mi ralhrang pawltu bomb kan thlak hnawh mi hna an si tiah an chim.a mah belte a tutan ah Russia le Syria nih an kah mi hna ralhrang pawl hna hi zei bantuk ralhrang ah an si tiah an min an langhter lo.

Source: BBC