Russia Nih A missile Hriamnam Hneksaknak A Tuah Sual Aa Bochan Mi Hna Minung Panga Cu An Ruak Hmanh Char Awk An Tha Lo

Russia ram nih a ngeihmi hriamnam Missile bomb cu hneksaknak tuah dingin Russia ram chung khuapi a si mi Arkhangelsk ah timhlamhnak a tuah.hi hriamnam hneksaknak a tuah tu dingah a ram mi hriamnam lei ah a bochan taktak mi hna “nuclear expert” tiah a kawh mi hna cu minung panga a thim hna.asinain cu hriamnam hneksak tu dingah a thim mi hna minung panga nuclear expert pawl hna nih Missile bomb cu hneksak dingin timhlamhnak an tuah cuahmah lio ah ruahlo pi in a puak ciammam i an ruak lak awk hmanh an t’ha lo tiah an chim.

Hi konghe pehtlai in Russia Nuclear center an hruaitu Mr Valentin Kostyukov nih a chim ningah cun Russia ram nih kan hriamnam hneksak tu dingah kan thim mi hna minung panga hna hi an dihlak tein kan i bochan taktak mi hna an si pin ah,an panga te in Russian Federal Nuclear Center ah rian a t’uan cuahmah mi hna an si.hi tibantuk in an cungah ruahlo pi in thil a cang mi cu vanchiat taktak khi a si ko tiah a chim.

 

Cun, an panga in Russia nih hriamnam a neih cangmi le hriamnam ser t’han dingin timhtuah nak “plan”kan ngeih mi ah an mah panga nih an ser dingin thil tampi rak suai chungmi an um rih.asinain ruahlo pi in hi ti bantuk thil a cangmi cu vanchiat taktak khi a si ko.an dih lak tein Russia ram pasal t’ha an si tiah mipi sin ah fianternak zong a tuah tiah an chim.

 

Russia Defence Ministry nih cun hi tibantuk in Russian “nuclear expert” panga hna cungah thil a cangmi hi zei ruang set dah a si tiah theih khawh a si lo,zeiruang ah ti cun Missile hriamnam hneksak nak tuah dingin timhcia a si cang tiah a chimtu hna zong hi an mah panga an si.tisual mithil a um maw? tiah hal le thil sining fiang tein hal nak kan tuah ko hna.an mah zong nih thil fello zei hmanh an um hraw lo tiah an kan leh hnu ah hi tibantuk in thil a can hi a si tiah a chim.cun,”nuclear expert” panga hna cu Russia pasal t’han an si caah an dihlak in Russia nih award a pek hna lai tiah a chim.

Source: BBC