Russia Tichung Raltuknak Tilawng Kanghnak Kongah Vladimir Putin Biachim Cu Uar A Um Taktak

Russia cozah nih a uanpi ngai mi tichung raltuknak tilawng pi cu rili chungah a kangh i a tilawng ralkap minung 14 an thih pin ah Navy officers minung 7 bak an thi.hi tichung raltuknak tilawng a kangh nak konghe pehtlai in Russia Defense Minister Gen Sergei Shoigu nih fiang tein zei kong hmanh a chim duhlo tik ah President Vladimir Putin nih cun a kawh i,thil sining fiang tein a hal tik ah mithi mi hna lak ah hin a cozah nih a hngatchan ngaingai mi tilawng ralkap officer minung 7 zong an thi ve tiah a chim.

Asinain Defense Minister Gen Sergei Shoigu nih a chim ningah cun hi tichung raltuknak tilawngpi hi zei ruang set ah dah a kangh ti mi fiangtein theih khawh a si rihlo.a mah belte mithi hna hi cun an dihlak in a tilawng ralkap minung 14 an si i cu hna lak ah cun minung 7 hna hi cu Russia cozah nih kan i hngatchan ngaingai mi hna Navy officer an si tiah a chim.hi ruangah hin Putin nih cun Defense Minister Gen Sergei Shoigu cu a tilawng a kangh nak hmun ah va kal law,thil umtu ning fiang tein na rak phur lai tiah a fial tiah an chim.

 

Cun, Putin nih cun hi tilawng kangh nak ruangah mithil vialte hna cu ram le miphun caah a thi mi an si caah Russia ram nih zei tik hmanh ah a philh hna lai lo,Russia ram a hmun chung paoh cu theih peng an si lai.chiatnak a tawngmi hna chungkhar vialte kan intuarpi tuk hna.cu hlan ah mah bantuk thil hi Russia ram nih a tuar bal mi a si lo i,a tuban tuk in thil a cang sual mi cu chiatnak a tawngmi chungkhar lawng nih nan tuar mi a si lo Russia rampi nih a tuar mi a si tiah hnemh nak bia a chim tiah an chim.

Russia tichung raltuk nak a kangmi konghe pehtlai in Novaya Gazeta news nih a chim ningah cun a tutan i a kang /puak mi Russia tilawng hi (nuclear powered AS 12 Losharik ) tiah a min sak mi a si i,cu hlan ah cun hi tilawng pi hmang in Russia cozah nih thil t’halo a thuh nawh tawn nak tilawng a si caah an mah a cozah rian t’uantu le ralkap pawl hna chungin officer tampi zong nih an hmuh bal lo mi tilawng a si.cucaah a tutan thil a cangmi zong hi midang nih an tuah mi si lo in an mah le an mah karlak thil a cangmi a si lai tiah an chim.