Russian President Vladimir Putin Cozah Nih A Ram Mi Civil Minung 1,000 Renglo A Tleih Hna A Ruang

Russia ram hi a ra lai mi Sep thla 8 ah khin Russia ram chung parliament election ithimnak a ngei dingmi an si.hi i thimnak konghe pehtlai in an ram chung mipi hna nih cun Putin cozah nih ningcang tein ithimnak an kal pi khawh nak hnga caah sandah an piah i, lam zawh nak biatak tein an tuah.cun, Putin cozah hna nih cun hi ithimnak ah hin Russia independent party chung tel pawl hna cu candidate ah an cohlang duh hna loh.

Cun, Russian election committee hruaitu pawl hna nih cun opposition party hna le independent party chung tel vialte hna cu candidate an si nak in an hnawl dih hna i pakhat hmanh Russia parliament election ithimnak candidate kho lo dingin biachahnak an tuah piak hna tiah an chim.hi ruangah Russia mipi hna nih cun an cozah sin ah an duhlo nak langhter in lam zawh nak an ngei i Putin cozah nih palik pawl hna sin ah nawl a pek hna i mi zei cung hmanh ah vell ngeihlo in tuk velh ding in an hruaitu hna a si mi paoh tleih ding in nawl a pek hna ruangah minung 1,000 renglo an tleih hna.

 

Cun, Russia mipi hna nih Putin cozah sin ah a lung tlin lo nak langhter in lamzawh nak an tuah hi July 15 khan a si cang. a cozah sin ah mipi nih an duh lo nak langhter in a au mi hna,a cozah nih a tleih mi hna hi zei maw zat an si cang.cu hmanh ah cun palik pawl hna nih an tleih mi hna hi duhlo nak langhter mi hna lak ah an hruaitu lawngte a thim hna tiah an chim.

 

Cun, a tutan ah Russia palik hna nih a tleih mi hna lak ah hin opposition party hna le independent party in ithim nak ah a candidate mi hna zong zei maw zat an i tel chih.cu pin ah Liberal leader Dmitry Gudkov le City Duma le Lyubov Sobol hna zong hi a tu i thim nak ah a tel ve mi candidate an si na in Putin cozah nih cawlcang kho lo bak in thongah an hren ko hna tiah an chim. Putin nih Russia ram hi kum 10 leng a pen cang caah a ram mipi hna nih cun Putin silo in midang nih Russia ram cu an pen ve awk a si cang tiah an cohlan ning a si.

 

Source: BBC