Salai Lungthli Tum: Tuni Chinram cozah nih Hakha pawngkam thlam tete an hrawhmi cu lung a t’ha hrim lo.

A Ruh Tum Hlah, A Hang Na Hap Lai! Tuni Chinram cozah nih Hakha pawngkam thlam tete (innhmun hamnak caah sakmi) an hrawhmi zoh tikah lung cu a tha lo, a ingtuarmi cheukhat cu zangfak an um ngai ko. Kan Hakha thancho nak caah cang hram ko seh.A taktak ti ahcun tuni an hrawhmi thlam dihlak khi cozah nih hmun samh an timh i lam an cawh dih le cangka in an sakmi lawngte an si. Lam cawh hlan ah sak ciami pakhat hmanh an hrawh lo.

 

Theih a herhmi cu inn sak tikah cozah nawlpeknak lak hmasa a herh, mah hi cu aho poah theih dih a si. Cozah nawl peknak um loin tlangram ah inn sak cu fir phun khat a si. Tuni an hrawhmi dihlak khi cozah nawlpeknak um loin a thli tein an sakmi lawngte an si.

 

Mah hi Salai Lungthli Tum nih loram ngeitu hna lam an rak zawh ni ah leh nak a rak tuah mi hna a si.Hakkau hna lungput taktak cu ‘democracy kan ngah cang, kan zalawng cang, NLD cozah tham cu inn kan sak lai i kan tlerh lai, lam hna kan zawh lai i a kan theh piak taktak ngam lai lo, vawlei kan fir i kan thabatman cu kan hmuh hrimhrim ko lai, MP hlun Za Tlem zong vawlei a ngei ve ko caah a party phu le an puppet media pawl kan forh hna lai i an kan dirhkamh ko lai’ timi hi a si. Tuni lawng ah an ruahnak a palh zia an i fiang.

 

Midang lungfahter cu ahohmah kan duhmi a si lo, nain phung ning loin thil a tuahtu cu dantat a haumi a si. Hi ruang ah a kan tawlreltu cozah le upadi kan herhnak a si.Hakkau lamzawhtu phu: ‘Hakha ram chung hmun lawng vawlei vialte kanmah ta a si, hmunhma samh ding kan siang lo, nan samh ahcun phaisa kan liamh u. Inn lo ngeilo caah hmunhma samh a timhtu cozah an rian phuah uh’.Keimah Lungthli Tum bialeh: ‘Hakha ram chung hmun lawng vialte a ngeitu cu pumpak or hakkau phu pakhat menmen nan si lo, mizapi hi a ngeitu kan si.

 

Mizapi kan vawlei kha cozah nih a herh ning in a tawlrel awk a si. Hakkau tuk ruang ah kokek kan si ee pupa ram ee ti len awk si lo, Hakha khua tlatu pupa cu kan dihlak i kan pupa an si ko. Kan hakkau tuk caah kutdok kan tuan tiah fiang tein chim lawlaw ko u’.Salai Lung Thlitum.