Taliban Ralhrang Le Afghanistan Cozah Ralkal An I Phomh Ceilak Te An Thi

Afghanistan ram chung a si mi Uruzgan ram chungah Taliban ralhrang pawl hna nih cun a thli tein hmun an rak khuar i cu ka hmun cun India ram chung hmukip ah dothletnak an rak tuah i caan zei maw zat cu an rak cawlcang. Afghanistan cozah nih Taliban ralhrang hna an cawlcangh ning cu a thli tein thawng an theih tik a cozah ralkap zei maw zat hna cu Uruzgan khua ah a kalter hna i Afghanistan cozah nih a neihmi Airstrike bak in a kah ciammam hna i Taliban ralhrang hna cu minung 14 bak a thah hna tiah an chim.

Afghanistan cozah nih Talinban ralhrang doh dingah a kalter mi hna a cozah ralkap pawl hna hi an kal hlan in hriamnam t’hatha tampi an kenter hna pin ah a sercyi airstrike zei maw zat zong a kenter cia hna i Uruzgan ram chungah Taliban um nak hmun cu an va kah ah hin Taliban ralhrang pawl hna cu an rin hlan a si caah minung 14 an thah hna i an mah rian t’uan nak a bawmchantu mi zei ti theihlo mi minung 4 hna zong an hliam chih hna tiah an chim.

Hi konghe pehtlai in reporter dangdang hna nih cun Afghanistan cozah nih Uruzgan ram chungah a um mi Taliban ralhrang pawl hna hi Sun day ni ah khan an kah cang hna i,a tu i an kah mi hna hi cu Afghanistan ram a si ve mi Charchino district um mi Taliban ralhrang hna le provincial capital Tirin Kot bula Qala-e-Naw ram chungah a um mi hna a kah mi hna an si tiah an chim.

Asinain Afghanistan cozah nih Taliban ralhrang a kah nak konghe pehtlai in Taliban ralhrang hruaitu hna nih cun zei thawng hmanh thanhnak an tuah lo i dai tein an um peng ko rih tiah an chim.

Source: BBC