Thawnghalnak; Laiholh Kan Neihmi Vialte Chungah Mah Hi Cu Khuate Holh A Si Tiah Thenhrang A Um Maw

Laimi phun dihlak huap in, holh kan neih mi hna hi ruah ah cun chim cawk ding le phuan cawk dingmi a si loh.cu lak ah Hakha le Thantlang pengtlang lawng hmanh ah khin Laimi nih kan Ca le kan holh kan neihmi hmanh chim cawk ding a si loh.cun, a pengtlang hoih in kan kam phau ning le kan aw chuah ning zong an i khat hna loh.thil min kan kawh ning le min kan sak ning zong aa khat lo mi tampi a um fawn.

Cu hlan ah cun a tutan bantuk in mah hi cu Khuapi holh a si ti le mah hi cu Khuate holh a si awk a si tiah bia theih le thawng pang a leng bal lo na in a tutan Lungrawnpar ti mi nih Tha Halkha post le Chinland post kongah a chim mi hi ruah lo awk a t’ha lo.zeicahtiah mah thil hi a taktak um a chuak khomi le mipi a buaiter khotu a si.

 

Hakha khuapi chungmi, mipi vialte hna nih khin te a tu ah mah hi cu Khuapi holh a si i mah hi cu Khuate holh a si awk a si tiah holh t’henhrang mi an nei el hnga maw? The Hakha post le Chinland post nih kan Laiholh le Ca tein thawngzamhnak an tuahmi cu,a zei deuh khi dah Khuapi holh cu a si i a zei deuh khi dah Khuapi holh cu a si hnga?

 

Mah biahalnak konghe pehtlai in mi zei hmanh i ti hram nak le bia alnak tuah duh ruangah kan t’ial mi a si lo.theih ka duh mitu cu,”kan Lai holh kongah mah hi cu Khuapi holh a si lai i,mah hi cu Khuate holh a si awk a si”tiah kan Lai holh konghe pehtlai in”holh” rak t’henghrang mi kan rak nei maw ti hi theih ka duh caah a si.