Thawngtha: Mindat Khuapi Chungah Sianghleirun University Sak A Si Lai A Ruang

Kan Chim ram zong ceucin kan cuai cuahmah ve cang.democracy today nih a chim ningah cun Chin ram a si mi Mindat khuapi chungah phaisa ks.3 billion dih in Saianghleirun sak a si lai tiah a chim.Chin miphun hna nih hmun dangdang ah Sianghleirun kai in um kal le cawlcangh a hau ti lai lo.kan mah le ram chung teah Sianghleirun a um cang lai tiah Chin state sipin bawi nih May 30 ah an chim fawn.

 

Nikum chungah Sianghleirun pakhat cu Chin ram khuapi a si mi Halkha khuapi chungah pakhat cu sak a si cang i,cu Sianghleirun ah cun kan Nau fa le hna zong tampi fimthiamnak an cawng cuahmah cang.cun a tu zongah Mindat khuapi chungah an vun ser t’han ah cun Chin state (sourthern part) caah a hmasa bik Sianghleirun a um a si lai tiah an chim.

Cu hlan ah cun Chin ram chung Ca cawngmi tanghra pawl hna hi Hakha, Mindat, Falam ah kal in Camipuai phit a si.cu pin ah Sianghleirun a kai dingmi hna cu Monywa, Pakhukku, Kalay, tibantuk ah va kal a hau.hi ruangah hin Chin mino tampi hna cu fimthiamnak cawng dingin khuapi le hmun dang dang kal a hauh ruangah luletnak le thil t’halo tuahnak ah mi tampi nih an hman.

 

Asinain a tu ah cun Chin ram chungah Sianghleirun zong ser le siam a si cuahmah cang.hi thil nih hin Chin mino tampi an nun nak a ser siam hna lai tiah ruahnak kan nei.cun a tu i Mindat khuapi ah Sianghleirun sak an timh mi hi Mindat le Matupi karlak Higway Road ah sak a si lai tiah Mindat khuapi um mi U Bu Nein nih a chim.

Credit: democracy today.