UN Nih Kawl Cozah Ralbawi Dantat Nak Pek Sawhsawh A Tawk Lo Tiah A Chim Mi Cu Tihnung Ko Cang

American state department nih Kawl cozah ralkap/ralbawi hna chung hmanh ah Min Aung Hlaing le a hnu zultu minung pathum hna cu Rohingya Muslim pawl hna cungah an tuah sermi ruangah dantat/hremnak pek an si lai tiah a chim.asinain US nih cu tibantuk bia chahnak a tuah piak hna hnu in UN nih cun Kawl cozah ralbawi hna cungah US nih mah bantuk dantat dingin na ser piak mi hna cu zei hmanh a si lo,an tuah sernak zoh tik ah mah nak fak in hrem dingah a phu mi an si caah a dang dantatnak chap piak an si lai tiah United Nations Special Rapporteur nih a chim t’han.

United Nations Special Rapporteur nih cun UN hruaitu hna nih Kawl cozah ralkap hruaitu hna lak ah Min Aung Hlaing le a hnu zultu pawl hna cungah a fak khawh chung fak in dantat nak pek an duh hna tiah a chim.hi konghe pehtlai in Secretary of state Mike Pompeo nih cun kawl cozah ralkap pawl hna nih Rohingya Muslim pawl hna cung lawngah si lo in mipi hna sin ah ningcanglo in rian an t’uanmi le Nu hrincovo human rights zei ah an rel lo nak a ruang cu Min Aung Hlaing le a hnu zultu minung pathum hna ruangah a si tiah a chim.

Kawl cozah ralkap t’ih ruangah a tu ah hin Rohingya Muslim minung 7,40,000 hna cu ralzam sinak in Bangladesh ram ah harsa taktak in an um cuahmah.hi vialte minung hna konghe pehtlai in Min Aung Hlaing le a hawi le minung pathum hna ruangah a si tiah a chim fawn.cun, UN nih cun American nih Kawl cozah ralbawi pawl hna dantat nak caah Kawl- ram in ramleng ah chuak kho lo dingin dantatnak a pek mi hna cu zei hmanh a si lo caah mah nak fak in hremdingah tawl rel t’han si seh tiah a chim.

Zeicahtiah Kawl cozah ralbawi pawl hna nih an tuah mithil hi ngaihthiam khawh ding an si,American nih cu bantuk sawhsawh men in dantatnak a ser piak hna a si ah cun Kawlram chungah an duh tawl in rian an t’uan kho lai i,dantat nak an tuah piak mi hna cu zei hmanhlo bantuk men a si ko lai.cu caah an mah mipum zong cawlcang kho lo in hrem an hau pin ah,an thil ngeihmi tiangin hmang kho lo dingin biachahnak tuah piak awk an si tiah UN nih a chim.

Source: BBC